Zhowɛl 3 - Ghena ta Shala

Kateve nda Sefəa ŋkɛ Shala ke mbeli pɛtɛ

¹ Ma ke Shala gezete: «Ma kwetere wəmbəa ŋkɛ ne, kateve nda Sefəa ɗa 'ya ke mbeli pɛtɛ. Katenza ŋwale tezhilia ŋayɛ ba'a ŋwalea kwɛa ŋayɛ kaka mɛ ŋkwa, kateshiwə ka meha mehɛɗia ŋayɛ ba'a katenewe wəshi ka mempɛhwetɛtia ŋayɛ laka kelɛŋə.

² Ma vəa ŋkwa shɛ ne, kateve Sefəa ɗa 'ya kənəa ka mavashi ba'a ka kwaterashi.

³ Katemene wəshi meŋele 'ya pelɛ ghweme ba'a kwake te hɛɗi, mimi, ghwə ba'a geɗeɗe ta n'yi.

⁴ Katezhɛre veci ngərə ngərə ba'a tere kamimi, nda tese vecia Mahwətə, veci nya wəba ba'a nya dzawe.»

⁵ Tagha gɛ, katembele yayata wəndə nya ketehekɛme sləa Mahwətə. Katetene mbeli teghweme mbe Zhɛrəzalɛm, pelɛ ghweme ta Siyon, kala nya meɗeyi Mahwətə. Ghenci ka tenza kambeli nyi teghweme nyi heka Mahwətə.