Cimə 75 - Ghena ta Shala

Shala ya kande meha ghwə

¹ Se va wəndə nya te ghəa cimə. Cimə. Kala «Zama sebe na ma.» Ciməa Asaf.

² Shala yawe, katsahe ŋa ghen'yɛ, gha yatsahe ghen'yɛ, kwa nza ŋkɛ terasle na yitea ghen'yɛ, nahe wəshi meŋelea ŋa kencɛte geva.

³ Ma ke Shala gezete: «Katenta və ganyɛ 'ya, katemeha ghwə nya tiɗiɗi 'ya.

⁴ Kategaŋkəɗə hɛɗi le pɛtɛa wəshi nyi te. Kaɗema 'ya nde veyi shihəa ŋkɛ bereteke na? Zhɛne mpi.

⁵ Ma 'ya gezete nda ke ka kele ghə: Kelema ghə yɛ ma! Ma 'ya gezete nda ke 'yaghwa mehele: Zəzəma yɛ za ma yɛ ke kweci mbeli ma!

⁶ Kelema ghəa ŋayɛ yɛ ma, ghereŋete mə geze ghena ŋkele ntsə ta ŋayɛ.

⁷ Kwa nza ŋkɛ ne, se laka ŋkwa kesame ta veci keɗema se laka ŋkwa kepəkwə ta ŋkɛ se kwele we, te ɓerama se ŋkɛ we.

⁸ Shala ya kande meha ghwə: kashifə kwete ŋkɛ, kave nda kwele ŋkɛ ke kwete.»

⁹ Zlerekwe ya yitea dzeve va Mahwətə, pɛre tɛ nya 'yaghwa, tɛa hwepe wənəa ŋkɛ te. Katesa nda ŋkɛ ŋkɛ ke pɛtɛa ka 'yaghwa mehele nyi te hɛɗi. Pɛtɛ tesa tɛa shɛ hɛ, katesa ŋkɛ hɛ pa le metəkwə ta ŋkɛ.

¹⁰ Ama 'ya le ŋa ɗa ne, katetsahe Shala ta Zhakob 'ya kaghala ghala, ma 'ya sha tezlape wəsə nya gezete ŋkɛ:

¹¹ «Katedzakwe fegea pɛtɛa ka 'yaghwa mehele 'ya, ama katenza kema ta mbeli nyi tiɗiɗi yitea ghweme.»