Cimə 15 - Ghena ta Shala

Wəsə nya 'yɛwe Shala va mbelia ŋkɛ

1 Ciməa David.

¹ Ciməa David. Mahwətə yawe, wa nde tenza kadzembe ghɛa ŋa wa? Wa nde tenza pelɛ ghweme ta ŋa nya keveyi geva tekeleke wa?

² Deke wəndə nya kedzeghwa megela, nya kemene wəsə nya tiɗiɗi ba'a nya kezəzə ghena ganji.

³ Kaŋwashɛ ŋwashɛ kweci mbeli ŋkɛ we, kabeze nda ghena ŋkɛ ke wəndə we, kaŋele nde ghedəkwəa ŋkɛ ŋkɛ we.

⁴ Kaɓela wəndə nya kemene wəsə kwa ndiremi ŋkɛ we. Ama kave zləvə ŋkɛ te mbeli nyi kehawe va Mahwətə. Ya gheŋkɛ meɗeyi wəsə nya dzawe ne, kayipə ŋkɛ kadzawa.

⁵ Kanzəɓə nda dewa ŋkɛ ke wəndə le yɛmə we. Kayɛ wəsə ŋkɛ kezha ve nda fete ke wəndə nya ɗema fete ve we. Kateɗe wəndə nya kemene kala nya we.