Cimə 149 - Ghena ta Shala

Zləvəa mbeli nyi dɛŋe dɛŋe te Shala

¹ Alɛləwya! Gha nda mə cimə mɛnɛfɛ ke Mahwətə, tsahe mə ŋkɛ hwa tsene ta mbelia ŋkɛ.

² Zlama Israyɛl te Nde pate ŋkɛ, nza ka Siyon fare fare yitea meghea nci.

³ Tsahe ŋkɛ hɛ le wetse, tsa nda dimə ba'a ŋgwəleŋə hɛ.

⁴ Kwa nza ŋkɛ zeɗehwe nda mbelia ŋkɛ ke Mahwətə, kave nda mbele ŋkɛ kawəsə kepeɗe ghə ke ka dewə ŋeli.

⁵ Zlama mbeli nyi dɛŋe dɛŋe te Shala ba'a ve nda zləvə hɛ gi ga! Tsa gaghwe hɛ dzeyi te gezlea nci gɛ!

⁶ Nza tsahe Shala te mɛ va hɛ, nza kafayɛ nya nɛme nɛme yitea dzeve va hɛ,

⁷ kezha wa dewa te kweci hwelefefi, ba'a kezha ɗa kweci mbeli,

⁸ kezha hwepe ka meghea nci te yɛ zewe lɛ ba'a kezha tsa mbelia jama ta nci kwa yɛ lɛ

⁹ ba'a kezha mene nda ghena nya kerafete geva ke hɛ. Nahe ŋkɛ kenza kazləvəa pɛtɛa mbeli nyi dɛŋe dɛŋe te Shala. Alɛləwya!