Cimə 147 - Ghena ta ShalaNahe Shala kenza wəbake ba'a bereteke 1 Alɛləwya! Megela ŋkɛ kagha nda cimə ke Shala ta ɓəmə, ndeɗekə ŋkɛ kezha tsahe ŋkɛ megela. 2 Mahwətə kazhɛne kaŋa Zhɛrəzalɛm, katetsene ka Israyɛl nyi fəhwe mbeli ŋkɛ. 3 Gheŋkɛ nde mbe ka beze bezea wənə ba'a nde peɗe nda zhia nci ke hɛ. 4 Kaɓela pɛtɛa saseregwa ŋkɛ, kaheka hɛ ŋkɛ le sləa nci. 5 Nahe Shala ta ɓəmə kenza wəbake ba'a bereteke, ghala shɛ kwa ɗepe wəsə ta ŋkɛ we. 6 Kakese ka dewə ŋeli Mahwətə sate te ŋkwa, ama kashifə ka 'yaghwa mehele ŋkɛ hwa'a mɛa hɛɗi. 7 Gha nda mə cimə ketsa hana ke Mahwətə, tsahe mə Shala ta ɓəmə le ŋgwəleŋə. 8 Gheŋkɛ nde pele ləmbə dzeyi te ghweme ba'a nde me nda va ke hɛɗi. Gheŋkɛ nde pese gwəzə dzeyi hwa yɛ ghweme. 9 Kave nda wəsə kezeme ŋkɛ ke wəshi keseɗa ba'a ke ŋwalea ghame nyi kenehwene va ma. 10 Kenza berete ta gədəwə zeɗehwe nda we, keɓela mɓəa wəndə ŋkɛ we. 11 Ama ka hawe ve yazeɗehwe nda ke Mahwətə, ka ve ghə te ganyɛa ŋkɛ. 12 Zhɛrəzalɛm, ve zləvə te Mahwətə. Siyon, tsahe Shala ta ŋa. 13 Kwa nza ŋkɛ nahe ŋkɛ kemtsehete nda berete ke wəshi keŋzle yɛ gelembe ta ŋa, nahe ŋkɛ kewəpikɛ mbeli nyi mbe gha. 14 Kave kwelɛŋe ŋkɛ te hɛɗia ŋa, kabehe ŋa ŋkɛ le ha nya ganyɛ. 15 Kaghwene ghena ta ŋkɛ ŋkɛ kadzete hɛɗi. Tagha gɛ, kantsehe ghena ta ŋkɛ kahe kahe. 16 Kabete kwacakelɛ ŋkɛ kasawa təwə təwə kala pawa, kamene meləkwə ləkwə ŋkɛ kala pəsəɗə. 17 Kabete kwacakelɛ ŋkɛ kasawa kala yɛ kweya. Wa nde nza kasəwəte ntasle nya mene hɛ wa? 18 Ghwenakɛma ta ŋkɛ ke ghena ta ŋkɛ ne, karɛɗɛ hɛ. Vɛkema ta ŋkɛ ke sefə ne, kahwɛ hɛ kala yɛmə. 19 Kageze nda ghena ta ŋkɛ ŋkɛ ke Zhakob, wəshi nyi ɗe ŋkɛ ba'a ghena nyi gezete ŋkɛ ke Israyɛl. 20 Kemenete nda ŋkɛ tsagha ke kweci hwelefefi we, keɗepe ghena nyi gezete ŋkɛ hɛ we. Alɛləwya! |
La Bible en langue Kapsiki avec les livres deutérocanoniques © Alliance Biblique du Cameroun 2012.
Bible Society of Cameroon