Cimə 141 - Ghena ta Shala

Mahwətə, ya mɛa ɗa

1 Ciməa David.

¹ Ciməa David. Mahwətə yawe, kasəkwə ŋa 'ya, se kahe kahe kakemane ɗa, fa ŋwələa ɗa te və nya heka ŋa 'ya.

² Nza səkwə ta ɗa ka'wərdə kwa hə hə sha gha, nza dzeve ta ɗa nyi tekafe kamelɛ tɛhwɛɗi.

³ Mahwətə yawe, ya mɛa ɗa, newe ghweme te bəzhia mɛa ɗa.

⁴ Sərə ɗa ma na kageze ghena kwa ndiremi, ya kamene wəsə kwa ndiremi zlaɓe le ka mene wəshi nyi ndiremi ndiremi ma. Yakɛ ɗa va ndɛame wəshi kezeme ta nci.

⁵ Kayɛ 'ya kampa ɗa wəndə nya tiɗiɗi keɗema kaŋele ɗa wəndə ganyɛ. Ama kaɗe wəshi mcɛa ka ndiremia mehele 'ya we. Səkwə ghə 'ya kevə kevə va 'yaghwa mehele ta nci.

⁶ Ma te və nya tememɛahe mbeli nyi te ghəa nci mbeli vare gela ne, kateɗepe ka ghema ta ɗa kaganda yase 'ya kageze.

⁷ Kala nya perawe wəza mbeli le wəshi kewəza ne, tsagha teperawe geva ghɛa mbelia kwahɛɗi kezha nda 'yɛ'yɛa nci nyi ketaze taze.

⁸ Shala Mahwətə, te gha ve ntsə 'ya, gha ya kaŋkwa kewəfərə ta ɗa. Sərə ɗa ma na kamte ma.

⁹ Ya ɗa va keleŋa nya ŋate ɗa mbeli ba'a va yɛ dagalawea ka mene wəsə kwa ndiremi.

¹⁰ Katedzete keleŋa ta nci ka 'yaghwa mehele, ama 'ya ne, katedzawa ɗa 'ya wəmbə.