Cimə 129 - Ghena ta Shala

Ganyɛke Mahwətə nya kembelete ɓəmə

1 Cimə kedzeghwa kadzeme.

¹ Cimə kedzeghwa kadzeme. Se kamempɛhweta ne, kwele kwele zhigə have ɗa mpa mbeli, zhɛnete Israyɛl ga!

² Kwele kwele zhigə have ɗa mpa mbeli se kamempɛhweta, ama wəndə shɛ kehərəte ɗa we.

³ Nahe mbeli kepeperawate ŋkwa te wəmbəa ɗa kala wəve nya wəzakɛ mbeli le kwara.

⁴ Nahe Mahwətə kenza tiɗiɗi, nahe ŋkɛ keŋslemte yɛ zewe ta ka 'yaghwa mehele.

⁵ Nza ka ghema ta Siyon shewə va hawe, dzeyinji hɛ pɛtɛ te sebe.

⁶ Nza hɛ kala gwəzə nya te zli nya keghwele tewə ŋkɛ kekele.

⁷ Kanza ŋkɛ wərə mbe dzeve ta nde sla ŋkɛ we, kanza ŋkɛ wərə kwelɛ mɓə va nde sla ŋkɛ we.

⁸ Kategeze mbeli nyi kedzeghwa: «Wəpikɛ ŋayɛ Mahwətə! Kawəpi ŋayɛ ghen'yɛ te sləa Mahwətə», ke hɛ we.