Cimə 126 - Ghena ta Shala

Nehwene nyi kezhɛrenji kazlama

1 Cimə kedzeghwa kadzeme.

¹ Cimə kedzeghwa kadzeme. Ma te və nya zhɛneyi Siyon Mahwətə te ŋkwa ŋkɛ ne, kala mbeli nyi keshiwə se ghen'yɛ.

² Tagha gɛ, ŋ'wəshi nde se te mɛ va ghen'yɛ, gaghwe yase ghen'yɛ katsa. Ma ke mbeli sha se kageze hwa kweci hwelefefi: «Kwele kwele menete nda wəshi Mahwətə ke hɛ.»

³ Kwele kwele menete ɓəmə wəshi Mahwətə. Tagha gɛ, fare fare se gheɓəmə.

⁴ Mahwətə, zhɛneyi n'yɛ te ŋkwa n'yɛ kala nya zhɛne yɛmə na kadzawa hələ nyi hase hase.

⁵ Ma mbeli nyi ketsawete wəshi le nehwene kwa ntsə ne, katemene hɛ hɛ se te wəve le zlama.

⁶ Ma wəndə nya kedzemte katsawe wəshi le nehwene ne, katesheke ŋkɛ le wəshi nyi kese te wəve le zlama.