Cimə 121 - Ghena ta Shala

Tema tese kemane ta ɗa wa?

1 Cimə kedzeghwa kadzeme.

¹ Cimə kedzeghwa kadzeme. Kanewe ŋkwa 'ya laka yɛ ghweme: Tema tese kemane ta ɗa wa?

² Va Mahwətə se kemane ta ɗa, gheŋkɛ nya kepate ghweme ba'a hɛɗi.

³ Yakɛ seɗa ta ŋa ŋkɛ va tehene, kazhɛme zhɛme nde ya ŋa hɛ we.

⁴ Ma nde ya Israyɛl ne, kazhɛme zhɛme ŋkɛ hɛ ba'a kahɛ ŋkɛ we.

⁵ Mahwətə ya kande ya ŋa, Mahwətə ya kashenaŋkwe nya kənəa gha. Nahe ŋkɛ kenza te kwa zeme ta ŋa.

⁶ Ma heveci ne, katezhɛ ŋa veci we, heviɗi ne, wəsə shɛ kamene tere we.

⁷ Kateya ŋa Mahwətə va yayata wəsə kwa ndiremi. Kateya mpia ŋa ŋkɛ.

⁸ Kateya yɛ slə ta ŋa ba'a yɛ se ta ŋa Mahwətə, se tsetsenya ba'a kaghala ghala!