Cimə 120 - Ghena ta Shala

Səkwə ta wəndə nya ndeke nda fete mbeli gəmə

1 Cimə kedzeghwa kadzeme.

¹ Cimə kedzeghwa kadzeme. Ma te və nya se 'ya mbe yaka ne, nahe 'ya tsave nda lewela ke Mahwətə. Tagha gɛ, pa zhɛnete ɗa.

² Mahwətə yawe, mbelete ɗa va ka sla tseŋwə ba'a va ghwete ŋkwa.

³ Tsema teme ɗa te gheyɛ, gheyɛ ka sla tseŋwə tse wa?

⁴ Ashɛ le yɛ have ta wəndə nya kempa ba'a le yɛ laɗe ta ghwə ta ɗəvə wəka!

⁵ Wa nya ɗa te 'ya le nza hwa ka talema ba'a le ntishɛ hwa ka sa nda yaka ke mbeli gɛ!

⁶ Kwele kwele nzahwe nza 'ya hwa mbeli nyi keɗema kwelɛŋe.

⁷ Ma kageze ghena ta kwelɛŋe 'ya ne, ghena ta mpa yaɗe hɛ le ŋa nci.