Cimə 11 - Ghena ta Shala

Mahwətə ya kaŋkwa kewəfərə ta ɗa

1 Se va wəndə nya te ghəa cimə. Ciməa David.

¹ Se va wəndə nya te ghəa cimə. Ciməa David. Mahwətə ya kaŋkwa kewəfərə ta ɗa, Va wa geze yɛ: «Hwɛ kadzeme hwa ghweme kala 'yɛ», pe yɛ sha 'ya wa?

² Newema ka 'yaghwa mehele kantsə rəgia nci, kave have ta nci hɛ kwa rəgia nci kezha he mbeli nyi nza wənəa nci tiɗiɗi mbe ŋkwesle.

³ Ma vəa ŋkwa nya ŋzlanji yɛ shihə ne, wa yatenza wəndə nya tiɗiɗi kamenete wa?

⁴ Mbe ghɛa ŋkɛ nya keveyi geva tekeleke Mahwətə. Pelɛ ghweme pasla ta Mahwətə. Kanewe mbeli nyi te hɛɗi ŋkɛ sawa pelɛagha, kamare nza ta nci ŋkɛ megela.

⁵ Kanewe nza ta mbeli nyi tiɗiɗi Mahwətə, ama kaɗema ntsə ta ka 'yaghwa mehele ba'a ka ɗe mene berete ŋkɛ.

⁶ Betakawa ghwə ba'a laɗe ŋkɛ kadzeghəa ka 'yaghwa mehele. Vɛke sefə nya wəba ŋkɛ kadzeghəa hɛ. Nya ya kazhɛme nya keneghe hɛ.

⁷ Kwa nza ŋkɛ ne, tiɗiɗi Mahwətə, yayata wəsə nya tiɗiɗi yaɗe ŋkɛ, katenewe kema ta ŋkɛ mbeli nyi nza kaganda va hɛ.