Cimə 100 - Ghena ta Shala

Mene nda mə slene ke Mahwətə le zlama

1 Cimə ketsa hana.

¹ Cimə ketsa hana. Mbeli nyi te hɛɗi lema, tsa nda mə gaghwe ke Mahwətə.

² Mene nda mə slene ke Mahwətə le zlama, dzawa mə kema ta ŋkɛ le gaghwe.

³ Ɗepete mə Mahwətə ya kaShala. Gheŋkɛ nde pate ɓəmə, ŋa ŋkɛ gheɓəmə, mbelia ŋkɛ gheɓəmə, wəshi keseɗa nyi ya ŋkɛ.

⁴ Dzembe mə ghɛa ŋkɛ le tsa nda hana, dzeyi mə te yɛ ŋwela ta ghɛa ŋkɛ le tsahe ŋkɛ, tsa nda mə hana, ve mə zləvə te sləa ŋkɛ.

⁵ Kwa nza ŋkɛ megela Mahwətə, kaghala ghala nza ganyɛa ŋkɛ, keshi keshi nza kaganda ta ŋkɛ.