1 Wəshi nyi Mene Ka Meghe 5 - Ghena ta Shala

Hwelefe ta Rəbɛn

¹ Tezhɛa wəzege ta Zhakob Rəbɛn, ama kwa se ŋkɛ kaɓelahe le kwete male ta yitenyɛ, pa mbeli ndeke nda kwelea ŋkɛ ke ŋwalea Zhozɛf nya kakwete wəzege ta Zhakob perə. Mba Rəbɛn kanya kwele ɓiyitsa we.

² Ma Zhəwda le ŋa ŋkɛ ne, gheŋkɛ nde se berete ma hwa ŋwalea yitenyɛ, hwa ŋwalea ŋkɛ ntave geva wəndə nya kenza kameghe mbe Israyɛl, ama ke Zhozɛf ndeke nda kwele mbeli.

³ Ŋwale tezhilia Rəbɛn nya katezhɛa wəzege ta Zhakob: Hanok, Paləw, Hɛsron ba'a Karmi.

⁴ Ŋwale tezhilia Zhowɛl: Shemaya, Gog, Shimɛyi,

⁵ Mika, Rɛyaya, Ba'al

⁶ ba'a Beyɛra. Ma Beyɛra shɛ ne, kameghea ka Rəbɛn se ŋkɛ, nya keseghe Tɛglat-Falasar, meghea ka Siri kadzete kwete ŋkwa.

⁷ Ka kesaka yitenyɛa Beyɛra, na mbeli rafete sləa nci ke sebe ke sebe: Yɛyiyɛl nde ghate, pa Zakari

⁸ ba'a Bɛla, wəzege ta Azaz, wəzege ta Shɛma nya kawəzege ta Zhowɛl. Te kwete hɛɗi kwelɛ yɛ Arowɛr nya laka bela kwa zeme, le ghweme ta Nɛbo ba'a le meleme ta ka Ba'al-Mɛyon laka bela kwa gwela se hwelefe ta Rəbɛn kanza.

⁹ Ma laka ŋkwa kesame ta veci ne, pa va sleme ta ɓerama nya kaghala kwelɛ hɛɗia nci le Efrate se hɛ. Va nya nza nde kwele kwele wəshi keseɗa va hɛ te hɛɗia Gala'ad.

¹⁰ Ma mbe vəa Sawəl ne, nahe hɛ kese kampa le ka Hagri ba'a hərəte hɛ. Kwetere wəmbəa ŋkɛ, pa hɛ nzanji mbe dzeyi mbe yɛ cɛ lekwesa ta nci te pɛtɛa hɛɗi nyi laka ŋkwa kesame ta veci yitea Gala'ad.

Hwelefe ta Gad

¹¹ Ma ŋwale tezhilia Gad ne, kwa kema kwa kema le hɛ se hɛ te hɛɗia Bashan pa mbe Salka:

¹² Zhowɛl nde ghate, Shafan nde zhɛte kadzeyite, ba'a yɛ Yanay le Shafat.

¹³ Ɓiyitsa, le kweci yita ta mbeli shɛ mberefaŋe tagha: ŋa yɛ Mikayɛl, Meshəwlam, Shɛba, Yoray, Yakan, Ziya ba'a Ɛbɛr.

¹⁴ Mbeli nyi keŋslete yita shɛhɛ ne, ŋwalea Abihayil wəzege ta Həwri, wəzege ta Yarowa, wəzege ta Gala'ad, wəzege ta Mikayɛl, wəzege ta Yɛshishay, wəzege ta Yado, wəzege ta Bəwz.

¹⁵ Ahi, wəzege ta Abdiyɛl nya kawəzege ta Gəwni nde se kameghe nya te ghəa yita nyighɛ.

¹⁶ Te hɛɗia Gala'ad le hɛɗia Bashan ba'a kweci meleme nyi yite, zlaɓe le ŋkwa keya wəshi nyi mbe Saron pɛtɛ hwa'a te ŋkwa nya zhigə hɛɗia nci se hɛ kanza.

¹⁷ Ma mbeli nyi mbe hwelefefia shɛhɛ ne, nahe sləa nci kerafete geva mbe palepa nya nza slə mbe te vəa yɛ Yotam, meghea ka Zhəwda le Zhɛrobowam, meghea ka Israyɛl.

¹⁸ Ma yɛ yita ta Rəbɛn le ŋa Gad ba'a kwete bela ta yita ta Manasɛ ne, ka sewajɛ ya va hɛ gare 44.760 nyi gare mpa le gelə, le kafayɛ keɗema le rəgi, nyi kehi hi yitea mpa.

¹⁹ Pa hɛ menete mpa le ka Hagri, le hwelefe ta yɛ Yetəwr, le ŋa Nafish ba'a le ŋa Nodab.

²⁰ Nahe hɛ keŋ'wete kemane. Pa ka Hagri mbe dzeve ta nci ba'a mbeli nyi kejikəte geva le hɛ kwa 'yɛwakɛ kemane hɛ va Shala, pa ŋkɛ yipəyi nda kwa ke hɛ kwa vate ghə hɛ te.

²¹ Nahe hɛ kefəhwe wəshi keseɗa ta nci: zlegwemə 50.000, timɛti le kwi 250.000, kwara 2.000 ba'a mbeli nyi keseve hɛ 100.000.

²² Nahe hɛ kempəmte ka ghema ta nci kwele kwele va nya nza nde se va Shala se mpa shɛ. Pa hɛ nzanji te ŋkwa nya se hɛ pa te və nya fəhwe hɛ mbeli kadzete kwete ŋkwa cakeɗake.

Hwelefe ta Manasɛ pelɛ kema ta hələa Zhəwrdɛŋe

²³ Ma kwete bela ta yita ta Manasɛ ne, pa hɛ lə kanzanji te hɛɗi nya kwelɛ Bashan, laka bela kwa zeme le Ba'al-Hɛrmon, kwelɛ yɛ Senir le Hɛrmon laka bela kwa gwela. Kwele kwele yanji mbeli nyi mbe.

²⁴ Wa nyi sləa mbeli nyi te ghəa yita shɛhɛ nyi: Ɛfɛr, Ishɛyi, Ɛliyɛl, Azriyɛl, Zhɛrɛmi, Hodaviya le Yadiyɛl. Kambeli nyi nza zləvə te ba'a nyi nza sləa nci pa tema tema se hɛ.

²⁵ Ama, kese hɛ kanza dɛŋe dɛŋe te Shala ta ka shihɛ nci we. Pa hɛ zlenekɛ kalənji yitea hawe va yɛ shala ta mbeli nyi mbe meleme nyi zamte sebe Shala te hɛ mbe kema ta nci.

²⁶ Ma tagha gɛ, pa Shala ta ka Israyɛl feɗeghete mehele ta Pəwl, meghea ka Asiri ba'a ŋa Tɛglat-Falasar, meghea ka Asiri yitea hɛ. Pa ŋkɛ fəghe hwelefefia Rəbɛn, ŋa Gad ba'a kwete bela ta hwelefefia Manasɛ kadzete hɛɗia Hala, Habor ba'a Hara, terasle yitea hələa Gozan nya nza hɛ pa ɓeshi.

Hwelefe ta Lɛvi

²⁷ Ŋwalea Lɛvi: Gɛrshon, Kɛhat le Merari.

²⁸ Ŋwalea Kɛhat: Amram, Isar, Hɛbron ba'a Əwziyɛl.

²⁹ Ŋwalea Amram: Aron le Moyize, pa Miriyam kawəzha makwa. Ŋwalea Aron: Nadab, Abihəw, Ɛlazar le Itamar.

³⁰ Ɛlazar yitenyɛa Pinhas, Pinhas yitenyɛa Abishəwa.

³¹ Abishəwa yitenyɛa Bəwki, Bəwki yitenyɛa Əwzi,

³² Əwzi yitenyɛa Zɛraya, Zɛraya yitenyɛa Merayot,

³³ Merayot yitenyɛa Amariya, Amariya yitenyɛa Ahitəwb,

³⁴ Ahitəwb yitenyɛa Sadok, Sadok yitenyɛa Ahimas,

³⁵ Ahimas yitenyɛa Azariya, Azariya yitenyɛa Yohanan,

³⁶ Yohanan yitenyɛa Azariya. Azariya shɛ nde se kande dzeghe Shala mbe ghɛa Shala nya ŋate Salomon pelɛ Zhɛrəzalɛm.

³⁷ Azariya yitenyɛa Amariya, Amariya yitenyɛa Ahitəwb,

³⁸ Ahitəwb yitenyɛa Sadok, Sadok yitenyɛa Shaləwm,

³⁹ Shaləwm yitenyɛa Hilkiya, Hilkiya yitenyɛa Azariya,

⁴⁰ Azariya yitenyɛa Seraya, Seraya yitenyɛa Yosadak.

⁴¹ Pa Nabəkodonozor kesehwe Yosadak kwa ŋkaghe mbeli nyi mbe Zhɛrəzalɛm Mahwətə zlaɓe le mbeli nyi mbe Zhəwda kanza te kwete ŋkwa cakeɗake.