Nɛhɛmi 7 - Ghena ta Shala

Ntsehwele nyi menete mbeli kezha ya meleme

¹ Ma kwa nahemte geva sekawe ta zli, pa 'ya mɓeyi yɛ gelembe mɛa yɛ degha. Kwa sebe ta ŋkɛ, pa 'ya veyi ka ya degha, ka gha cimə ba'a ka Lɛvi te ŋkwa slene ta nci.

² Pa 'ya veyi wəza meyɛ ɗa Hanani kande sleke Zhɛrəzalɛm, tsagha Hananiya kawəndə nya te ghəa ka sewajɛ nyi te ŋkwa keya meleme, kwa nza ŋkɛ kawəndə nya le mehele, nya kehawe va Shala za ma ke kweci mbeli kwele kwele.

³ Ma 'ya sha hɛ: «Kaghwene degha ta Zhɛrəzalɛm mbeli kentsəma kwəsərə we, ma hetɛhwɛɗi, pa mbeli ŋzlete hɛ le lakelɛ nda teslə ka ya ŋkwa te slene. Pa mbeli nteyi ka ya ŋkwa kevə kevə kezha ka Zhɛrəzalɛm, yayata wəndə te ŋkwa slene ta ŋkɛ ba'a yayata wəndə mɛ degha ta ŋkɛ.»

Sləa ka Zhəwif nyi kezhɛneke geva

⁴ Ya kwela nza meleme ta Zhɛrəzalɛm kewəbanyɛ ba'a kebezlenyɛ ne, ɓɛhwɛ mbeli nyi mbe le nza. Kenaka kweci ghɛ kaŋate geva we.

⁵ Pa Shala ta ɗa veyi ɗa zəzə kwa wənə kezha tsene mbelia jama, ka meha ghwə le kweci mbeli nyi ketene kezha rafete ŋkwa mbeli. Pa 'ya newakɛ palepa nya nza sləa mbeli nyi keghate kazhɛneke geva se hwa ŋkwa, pa 'ya kemave ɓela ta nci kala nya:

⁶ Ma hwa mbeli nyi fəhwe Nabəkodonozor, meghea ka Babilone kaka mavashi ne, kwele kwele nyi kezhɛne geva kadzembe Zhɛrəzalɛm ba'a hɛɗia Zhəwda. Yayata wəndə kazhɛne geva kadzembe meleme ta ŋkɛ.

⁷ Mbeli nyi te ghəa nci ne, yɛ Zorobabɛl, Yɛshəwa, Nɛhɛmi, Azariya, Ramiya, Nahamani, Mordokay, Bileshan, Mispɛrɛt, Bigvay, Nehəwm ba'a Ba'ana. Wa nyi sləa nci le ɓela ta zhilia ka Israyɛl nyi:

⁸ zhili nyi kwa peləa Parosh: 2.172,

⁹ zhili nyi kwa peləa Shefatiya: 372,

¹⁰ zhili nyi kwa peləa Ara: 652,

¹¹ zhili nyi kwa peləa Pahat-Mowab, nyi kaŋwalea yɛ Yɛshəwa le Yowab: 2.818,

¹² zhili nyi kwa peləa Ɛlam: 1.254,

¹³ zhili nyi kwa peləa Zatəw: 845,

¹⁴ zhili nyi kwa peləa Zakay: 760,

¹⁵ zhili nyi kwa peləa Binəwi: 648,

¹⁶ zhili nyi kwa peləa Bɛbay: 628,

¹⁷ zhili nyi kwa peləa Azgad: 2.322,

¹⁸ zhili nyi kwa peləa Adonikam: 667,

¹⁹ zhili nyi kwa peləa Bigvay: 2.067,

²⁰ zhili nyi kwa peləa Adin: 655,

²¹ zhili nyi kwa peləa Atɛr, nyi kaŋwalea Hizkiya: 98,

²² zhili nyi kwa peləa Hashəwm: 328,

²³ zhili nyi kwa peləa Bɛsay: 324,

²⁴ zhili nyi kwa peləa Harif: 112,

²⁵ zhili nyi mbe meleme ta Gabawon: 95,

²⁶ zhili nyi mbe meleme ta yɛ Bɛtelɛhɛm le Netofa: 188,

²⁷ zhili nyi mbe meleme ta Anatot: 128,

²⁸ zhili nyi mbe meleme Bɛt-Azmavɛt: 42,

²⁹ zhili nyi mbe meleme ta yɛ Kiriyat-Yɛyarim, Kefira le Beyɛrot: 743,

³⁰ zhili nyi mbe meleme ta yɛ Rama le Gɛba: 621,

³¹ zhili nyi mbe meleme ta Mikmas: 122,

³² zhili nyi mbe meleme ta yɛ Bɛtɛl le Ay: 123,

³³ zhili nyi mbe kwete meleme ta Nɛbo: 52,

³⁴ zhili nyi kwa peləa kwete Ɛlam: 1.254,

³⁵ zhili nyi kwa peləa Harim: 320,

³⁶ zhili nyi mbe meleme ta Zhɛriko: 345,

³⁷ zhili nyi mbe meleme ta yɛ Lod, Hadid le Ono: 721,

³⁸ zhili nyi mbe meleme ta Sena'a: 3.930.

³⁹ Wa nya tsetse wəvəsəa ka dzeghe Shala: gwəmsə mesli ba'a mberefaŋemsə mahekeneghəmbe zhili nyi kwa yita ta Yedaya, nyi kaŋwalea Yɛshəwa,

⁴⁰ zhili nyi kwa peləa Imɛr: 1.052,

⁴¹ zhili nyi kwa peləa Pashehəwr: 1.247,

⁴² zhili nyi kwa peləa Harim: 1.017.

⁴³ Wa nya tsetse wəvəsəa ka Lɛvi: mberefaŋemsə wəfaɗeghəmbe zhili nyi kwa yita ta yɛ Yɛshəwa, Kadmiyɛl, Binəwi le Hodeva.

⁴⁴ Wa nya tsetse wəvəsəa ka gha cimə mbe ghɛa Shala: gwəmsə ba'a wəfaɗemsə degheseghəmbe zhili nyi peləa Asaf.

⁴⁵ Wa nya tsetse wəvəsəa ka ya degha: gwəmsə ba'a mahekenemsə degheseghəmbe zhili nyi kwa peləa yɛ Shaləwm, Atɛr, Talmon, Akəwb, Hatita le Shobay.

⁴⁶ Mbe wəvəsəa mbeli nyi kemene slene mbe ghɛa Shala nyi kaŋwalea Siha, Hasəwfa, Tabawot,

⁴⁷ Kɛros, Siya, Padon,

⁴⁸ Lebana, Hagaba, Shalmay,

⁴⁹ Hanan, Gidɛl, Gahar,

⁵⁰ Rɛyaya, Rɛsin, Nekoda,

⁵¹ Gazam, Əwza, Pasɛya,

⁵² Bɛsay, Mewəwnim, Nefəwshɛsim,

⁵³ Bakbəwk, Hakəwfa, Harəwr,

⁵⁴ Baslit, Mɛhida, Harsha,

⁵⁵ Barkos, Sisra, Tɛma,

⁵⁶ Nɛsiya ba'a Hatifa.

⁵⁷ Wa nya tsetse wəvəsəa ka shihɛnyɛa ka mene slene ta Salomon: ŋwalea yɛ Sotay, Sofɛrɛt, Perida,

⁵⁸ Yala, Darkon, Gidɛl,

⁵⁹ Shefatiya, Hatil, Pokɛrɛt-Hasebayim ba'a Amon.

⁶⁰ Pɛtɛa wəvəsəa ka mene slene mbe ghɛa Shala le ka shihɛnyɛa ka mene slene ta Salomon ne, zhili gwəmsə mahekene ba'a meslimsə bakeghəmbe.

⁶¹ Ma mbeli nyi kezhɛneke geva se mbe mava same kwa Tɛl-Mɛla, Tɛl-Harsha, Kerəwb-Adon ba'a Imɛr ne, keleke ghena hɛ tiɗiɗi te hwelefe ta ka shihɛ nci kezha ɗepete kenza ŋkɛ kaka Israyɛl hɛ we:

⁶² ma pɛtɛa nci ne, gwəmsə ŋkwaŋe ba'a wəfaɗemsə bakeghəmbe hɛ, kaŋwalea yɛ Delaya, Tobiya le Nekoda hɛ.

⁶³ Ma kweci ka dzeghe Shala ne, mbe pelə nya kwetɛŋe hɛ: ka shihɛnyɛa Hobaya, ŋa Hakos ba'a ŋa Barzilay. Ma nda hekate nda slə mbeli kala nya ke nde keɗaŋe nya ne, va nya wəmeve kwete ŋkɛ hwa ŋwalea kwɛa Barzilay, nde Gala'ad.

⁶⁴ Ma kwa zele palepa nyi nza sləa ka shihɛ nci mbe hɛ ne, kekemave ŋkɛ hɛ we. Vatse zhɛrete hɛ mbeli kambeli nyi wale wale ba'a fɛake hɛ mbeli kemene slene ta dzeghe Shala.

⁶⁵ Pa ŋgwamna le ghəa ŋkɛ geze nda ke hɛ kezha ɗema hɛ zeme wəshi gəmə nyi keveyi geva tekeleke kaŋa Shala nahe, nda teslate kwasheghediɗi nde dzeghe Shala laka yɛ Əwrim le Təwmim.

⁶⁶ Jikə ta ka Israyɛl nyi keshave mbe mava pɛtɛ ne, mbeli 42.360,

⁶⁷ kaɗema mbeli keɓelate ka mene slene le ka kwaterashi nyi ka 7.337, ka gha cimə nyi kazhili le nyi mi gwəmsə bake ba'a wəfaɗemsə mcɛfeghəmbe ya va hɛ,

⁶⁸ tsagha zlegweməa lɛmə gwəmsə wəfaɗe ba'a mahekenemsə mcɛfeghəmbe ba'a kwara lɛmə 6.720.

⁶⁹ Pa kweci mbelia jama nyi kwa yita fəke wəshi gəmə kezha zhɛne kaŋa ghɛa Shala. Pa ŋgwamna veyi dəɓərəa mze kwa tere tere slibə, yɛ helape mcɛfemsə ba'a yɛ lekwesa ta ka dzeghe Shala gwəmsə mcɛfe ba'a mahekenemsə.

⁷⁰ Pa kweci mbelia jama nyi kwa yita fəke dəɓərəa mze kwa tere tere 20.000 ba'a kiləwəa mze kwa ghwə ghwə 1.100 kawəshi gəmə.

⁷¹ Pa kweci ka Israyɛl fəke dəɓərəa mze tere 20.000, kiləwəa mze kwa ghwə ghwə slibə ba'a yɛ lekwesa ta ka dzeghe Shala ŋkwaŋemsə mberefaŋeghəmbe.

⁷² Pa ka dzeghe Shala, ka Lɛvi, ka ya degha, ka gha cimə, kweci ka Israyɛl, kala ka mene slene mbe ghɛa Shala le mbeli ketene pɛtɛ ntishɛnji mbe meleme ta nci. Ma te kwa mberefaŋe ta tere mbe va, pɛtɛ ka Israyɛl kenzanji mbe meleme ta nci.