Ɛstɛr 10 - Ghena ta Shala

Kwa keɗaŋe ta ghena

¹ Pa meghe Sɛrsɛs zlapete kezha tsehe jaɓeregwale mbeli nyi te hɛɗia ŋkɛ pɛtɛ le ɗema ta nci, tsagha shɛ te hɛɗi nyi dzeyi te yɛmə yite.

² Pɛtɛ ghena ta slene ta meghea ŋkɛ, ŋa kwelea berete ta ŋkɛ le nya ndeke nda kwele ŋkɛ ke Mardoshɛ perə kerafeyi geva mbe palepa kala nya: Slene ta ka meghe nyi mbe Mɛdi ba'a Pɛrse.

³ Kwa nza ŋkɛ Mardoshɛ, nde Zhəwif ya kande ghate ta wəndə nya kwele kadzeyitea meghe Sɛrsɛs. Gheŋkɛ wəndə nya kwele sha ka Zhəwif. Pɛtɛa ka menəhɛnyɛ keɗehwe ŋkɛ, va nya nza ŋkɛ kamene slene ba'a kazele kwelɛŋe kezha mbelia ŋkɛ.