Cimə 137 - Ghena ta Shala

Ŋgaɗe ghə ta mbeli nyi fəhwe mbeli

¹ Mentishɛ mɛa yɛ hələa Babilone ne, nahe ghen'yɛ kese kanehwene kwa zəzəte Siyon ghen'yɛ.

² Nahe ghen'yɛ keseseɗeyi yɛ ŋgwəleŋəa n'yɛ dzeyi vare wəfe nyi mɛa hələ.

³ Tagha gɛ, pa mbeli nyi kefəhwe n'yɛ 'yɛwete cimə va ghen'yɛ, pa ka sa n'yɛ yaka 'yɛwete cimə zlama va ghen'yɛ, ma ke hɛ: «Ghate n'yɛ mə kweci hwa cimə nyi mbe Siyon.»

⁴ Tsema ke ghen'yɛ sha gha ciməa Mahwətə te kwete hɛɗi tse wa?

⁵ Zhɛrəzalɛm, ma kezaghəyite ŋa 'ya ne, mtenyɛ dzeve kwa zeme ta ɗa.

⁶ Ma kezhɛnema 'ya kazəzə ŋa, ma kezlamama 'ya za ma yitea Zhɛrəzalɛm ne, ndeɓeyi geva ghɛnia ɗa yitea meghena ta ɗa.

⁷ Mahwətə, zəzəte ghena nya gezete ka Ɛdom te veci nya kelehwe Zhɛrəzalɛm mbeli, ma ke hɛ: «Ŋzlakawa mə melemea shɛ, ŋzlakawa mə ŋkɛ hwa'a te shihə.»

⁸ Gha Babilone nya ketenza keŋzla ŋzla ne, zlama ya va wəndə nya ketemene ŋa wəsə kwa ndiremi nya menete n'yɛ na.

⁹ Zlama ya va wəndə nya ketekese ŋwalea ŋa kezha mpempaslɛ hɛ te gela.