Cimə 1 - Ghena ta Shala

KWA GHATE TA PALEPA CIM 1–41 Zeɗe nza ganyɛ

¹ Zlama ya va wəndə nya keɗema kazele zəzə ta ka 'yaghwa mehele, nya keɗema kaghereŋe kwa hweŋkwa ta ka jaɗafa ba'a nya keɗema kantishɛ hwa ka ŋ'wəshi ŋkwa,

² ama nya kezlama yitea wəsə mahalegəa Mahwətə ba'a nya keve zəzə te veci le viɗi!

³ Yipə yipə ŋkɛ le wəfe nya kemɓete geva mɛa hələ, kaya ŋkɛ te vəa ŋkɛ ba'a katebete slekea ŋkɛ we. Mbe kema mbe kema jive wəndəa shɛ mbe yayata wəsə nya mene ŋkɛ.

⁴ Kenza nza ta ka 'yaghwa mehele tsagha we: yipə yipə hɛ le cɛkəvə nyi fə sefə.

⁵ Vatse teshɛma ka 'yaghwa mehele kaghereŋe te ghwə, ya ka jaɗafa hwa tsene ta mbeli nyi tiɗiɗi.

⁶ Kwa nza ŋkɛ nahe Mahwətə keɗepe hweŋkwa ta mbeli nyi tiɗiɗi, ama kateza hweŋkwa ta ka 'yaghwa mehele.