ZOZUWE 15 - Bible en langue guiziga

Li muvula da sukwi ngi Zuda

¹ Muvulaka li da sukwi ngi Zudahay vur muyo vur muyo na, a ndih kini ng'ar maakway ngi ruwuy Edom misi a wuzlaɓuh mikirɗak kiɗak ngi Sin, kini ng'ar vay ruwuy, puɗak ar Temaŋ.

² Maakway taŋ vay ruwuyo, a zli zle ar kiɗa mi ngi mubuliy Mandaŋ, zle avu ruwuy mici roɗɗo ng'ar mubuliy, tir vay ruwuy naŋ.

³ Jek naŋ aru kini ng'ar vay ruwuy, tir miɗingir mazilaka li jiɗ ngi ˀUrucoy, ara bi a Sin. Yo a cuh kini tir miɗingir ngi Kades -Barneya, tir vay ruwuy naŋ, ara bi a Hesroŋ, a zuɓ kini ngir ti Adar waɗ a guno gunno ti Karka.

⁴ A bi baɗ a Hasmoŋ, aru sesẽŋ a mizaw Ezipte waɗ ara kiɗo mi ar mubuliy Meditarane. Maakway kum mikiɗo mi tir vay ruwuyo, i hana so.

⁵ Tisi pas ngi miprike, maakwaya naŋ ti mubuliy Mandaŋ, hã sesẽŋ ar kiɗa mi ngi mizaw Zurdeŋ. Tir vay muŋ, a zli zle avu ruwuy mici roɗɗo ng'ar mubuliy, hã sesẽŋ ar kiɗa mi ngi mizaw Zurdeŋ.

⁶ A zuɓ paɗɗa nga Bet-Hogla, a bi ti muŋ ngi Bet-Araba, hã a jiɗ sesẽŋ avu ɗugur mazilaka Bohaŋ. Bohaŋ i slimiɗ ngi mangal ngi Ruben.

⁷ Maakway a zuɓ paɗ ngir ti Debir, tir sozo Akor. Yo tir vay muŋ, a guno gunno ti Gilgal mpuɗak ar li jiɗ nga Adumim, tir vay ruwuy ngi mizaw. A cuh meehẽ tivi yam ngi En-Semes waɗ ara kiɗ mi a En-Rogen.

⁸ Maakway a zuɓ ar hurjijiŋ ngi Hinom, ar misirnene ngi muwã Zebusihey tir vay ruwuy naŋ, mbiɗeˀvra Zeruzalem. Akẽh na, maakway a ki kini ngir ti hirnga muwãhay misi a mbuŋ hurjijiŋ ngi Hinom, tisi pas ngi pastaˀ naŋ, yo kini ng'ar kiɗa mi ngi li micay ngi mizli Rifayay, tir vay muŋ naŋ.

⁹ Maakway a guno zle a hirnga muwã, hã sesẽŋ ar miviɗiviɗi ngi yam ngi Neftoˀa, jek naŋ, ngir ti Liyim misi a muwã Efroŋ, waɗ a guno ti Baˀala. A zilaka Baˀala vuna, Kiriyat-Yeˀarime ma.

¹⁰ Zle a Baˀala, maakway a gun kini tisi pas ngi pastaˀa, kini ngir ti muwã Seˀir. A bi tir misirnene ngi muwã Widisey vay muŋ naŋ, mbiɗeˀvra muwã Kesaloŋ, a pi sar nga Bet-Semes, ara bi a Timna.

¹¹ Jek ngi maakwaya, ara bi ar misirnene ngi muwã Ekroŋ, tir vay muŋ naŋ. A guno gunno ti Sikaroŋ, tuwaɗ muwã Baˀala, hã sesẽŋ a Yeɓne. Yo ara kiɗo mi ar mubuliy Meditarane.

¹² Tisi pas ngi pastaˀa, maakwaya ti Mubuliy Madiɗa, bal bal ti ciki naŋhaya. Hana i maakway ngi hirwuy mislaka da dideˀ ngi Zudahay vur muyo vur muyo na so.

¹³ Kalep, mangal ngi Yefune, a vulakaŋ da naŋ i li a wuzla hirwuy ngi dideˀ ngi Zudahaya kaɓa Bumbulvuŋ miɓa ɗaˀ le zleˀe da Zozuwe. Hirwuy muvulaka da Kalepe i Kiriyat-Arba, wurenna a zilaka Hebroŋ. Arba i slimiɗ ngi dideˀ ngi mizli Anakay.

¹⁴ Dideˀ ngi Anakay ada makir, ti muy taŋhay, ti muy taŋhay. I Sesahay, Ahimanay waɗ Talmayay. Kalep a ɓula taŋ avra.

¹⁵ Kalep a slikiɗ baɗ a Hebroŋ, a zla kiɗa vu ati mizli Debirey. Debir i walahay mazilaka zleˀe Kiriyat-Sefer.

¹⁶ Kalep a ɓi na: «Mbur misa kiɗa walahay Kiriyat-Sefere le, a tiɓa le na, i sa vulaŋ zuŋ ɗu Aksa ngi ngwasa.»

¹⁷ Jamba naŋ da, a zilaka Otniyel, mangal ngi sukum naŋ Kenas, a tiɓa walahay tuwa le. Joˀ Kalep a vulaŋ zuŋ naŋ Aksa ngi ngwasa.

¹⁸ Aksa tuwa mindilo ndil a hay zil naŋ Otniyele si na, a pa mi da Otniyele, ɓa anja a cufuɗ guva avu jomo naŋ Kalepe. Aksa mipi sar cak ti duba zungu na, Kalep a cufuɗaŋ: «Ki wuɗ mike?»

¹⁹ Aksa a mbiɗaŋ di: «Anja ki giy mezle takwa! Ani hirwuy ka muvuliy nga diga na, i li muˀuloŋ. Anja ani ki vuliy futuŋ misi yamay le na, kuy.» Vurˀe, Kalep a vulaŋ futuŋ ngi muwãhay ati ngi ruwuyoyo ma ceke.

²⁰ Dideˀ ngi Zudahay mulumam hirwuy vur muyo vur muyo na, naŋ kahana so.

²¹ Dideˀ ngi Zudahaya, walahay taŋhay mikileŋ kileŋ wãˀ, kini tir maakway ngi hirwuy Edomo, tir vay ruwuy naŋ na, t'ani: Kapseyel, Eder, Yagur,

²² Kina, Dimona, Adeyada,

²³ Kedes, Hasor, Itnaŋ,

²⁴ Zif, Telem, Beyalot,

²⁵ Hasor-Hadata, Keriyot-Hesroŋ, a zilaka Hasor ma.

²⁶ Amam, Sema, Molada,

²⁷ Hasar-Gada, Hesemoŋ, Bet-Pelet,

²⁸ Hasar-Suwal, Berseba waɗ prok naŋhaya ma.

²⁹ Baˀala, Iyim,

³⁰ Eltolat, Kesil, Horma,

³¹ Siklak, Matmana, Sanesana,

³² Lebaˀot, Silim ati En-Rimoŋ, jom gar na, walahay madiɗahay kukur cuw nga ngoltir waɗ prok taŋhaya wãˀ wãˀ ma.

³³ Walahay ngir zugudumo: i Esetaˀol, Sora, Asena,

³⁴ Zanoa, En-Ganim, Tapuwa, Enam,

³⁵ Yarmut, Adulam, Soko, Azeka,

³⁶ Saˀarayim, Aditayim, Gedera ati Gederotayim, jom gar na, walahay madiɗahay kuruˀ nga mufaɗa waɗ prok taŋhaya wãˀ wãˀ ma.

³⁷ Yo walahay mekelemey ada ma, i Senaŋ, Hadasa, Mikdal-Gat,

³⁸ Dilaŋ, Mispe, Yokteyel,

³⁹ Lakis, Boskat, Egloŋ,

⁴⁰ Kaboŋ, Lahemas, Kitlis,

⁴¹ Gederot, Bet-Dagoŋ, Naˀama ati Makeda, jom gar na, walahay madiɗahay kuruˀ nga merkeɗ waɗ prok taŋhaya wãˀ wãˀ ma.

⁴² Mekelemey ada vuna mani, i Lipna, Eter, Asaŋ,

⁴³ Ifta, Asena, Mesip,

⁴⁴ Keyla, Aksip ati Maresa, jom gar na, walahay madiɗahay ngoltir waɗ prok taŋhaya wãˀ wãˀ ma.

⁴⁵ Mekelemey ma na, i walahay Ekroŋ ati lihey naŋ miwa taŋ waɗ prok taŋhaya wãˀ wãˀ ma,

⁴⁶ zle a Ekroŋ waɗ kini tisi pas ngi pastaˀ naŋ, waɗ hirwuy migweˀgweˀ avu Asdot jom ti prok taŋahaya wãˀ ma.

⁴⁷ Asdot ati Gaza waɗ lihey ati prok ngi ciki taŋhaya, hã sesẽŋ a mizaw Ezipte, ciki mubuliy Mediterane, jom ti prok taŋhaya wã ma.

⁴⁸ Walahay vay muwãhaya i: Samir, Yatir, Soko.

⁴⁹ Dana, Kiriyat-Sana, a zilaka Debir ma.

⁵⁰ Anap, Estemoa, Anim,

⁵¹ Goseŋ, Holoŋ ati Gilo, jom gar na, walahay madiɗahay kuruˀ ngaŋ kaˀa, jom ti prok taŋhaya wãˀ wãˀ ma.

⁵² Yo numuŋhoy ada ma, i: Arap, Ruma, Esaŋ,

⁵³ Yanum, Bet-Tapuwa, Afeka,

⁵⁴ Humeta, Kiriyat-Arba, a zilaka Hebroŋ ma, waɗ Siyor, jom gar na, walahay madiɗahay ngoltir jom ti prok taŋhaya wãˀ wãˀ ma.

⁵⁵ Mekelemey ada vuna mani, i: Maˀoŋ, Karmel, Zif, Yuta,

⁵⁶ Zisreyel, Yokdeˀam, Zanoˀa,

⁵⁷ Kayẽ, Gibeya ati Timna, jom gar na, walahay madiɗahay kuruˀu, waɗ prok taŋhaya wãˀ wãˀ ma.

⁵⁸ Ngi kiɗa mi taŋ wãˀ na, i walahay Halul, Bet-Sur, Gedor,

⁵⁹ Maharat, Bet-Anot ati Eltekoŋ, jom gar na, walahay madiɗahay merkeɗ, waɗ prok taŋhaya wãˀ wãˀ ma.

⁶⁰ Yo Kiriyat-Baˀal, ada zilaka Kiriyat-Yeˀarime ma, waɗ Raba, jom gar na, walahay madiɗahay cuw, waɗ prok taŋhaya wãˀ wãˀ ma.

⁶¹ A wuzlaɓuh mikirɗak kirɗaka, i: Bet-Araba, Midiŋ, Sekaka,

⁶² Nibesaŋ, Ir-Mela, ati En-Gedi, jom gar na, walahay madiɗahay merkeɗe, waɗ prok taŋhaya wãˀ wãˀ ma.

⁶³ Mizli Zebusihey misi a Zeruzalem na, dideˀ ngi Zudahay a ɓulaka taŋ avra gu ta. Vurˀe, hã dana kwana, Zebusiheye t'ada jom ati dideˀ ngi Zudahay ar walahay Zeruzaleme.