ZOZUWE 12 - Bible en langue guiziga

Buy, Israyeley micifam bugawla ar taŋ

¹ Buyoy madiɗahay ada zleˀe ti ruwuy taŋhay a dubazaw Zurdeŋ, kini tisi pas ngi miprik naŋ, Israyeley a cifam bugawla le ar taŋ, i hirwuy muzlo zle ar zlazlar Arnoŋ, hã sesẽŋ a muwã Hermoŋ waɗ wuzlaɓuh mikirɗak kirɗak, misi tisi pas ngi miprik naŋ gar. Buy tayna i ti:

² Sihoŋ, buy Amori, misi a Heseboŋ, a wa li zle a Aroˀer, misi ar zugudum ngi Arnoŋ, zlazlar madiɗaŋ, ar sozo naŋ waɗ reta ngi Galaˀat, hã sesẽŋ ar sozo ngi Yabok, zlazlar madidaŋ, ar maakway ngi Amoŋhoy.

³ A wa wuzlaɓuh mikirɗak kirɗaka le ma, hã sesẽŋ a mi mubuliy Kinerot tisi pas ngi miprik naŋ, sesẽŋ a mi mubuliy mandaŋ, misi tisi pas ngi miprik, ar jiviɗ ngi Bet-Yesimot, yo tir vay ruwuyo sesẽŋ ar muzugudum ngi muwã Pisga bal bal ti prok naŋhaya.

⁴ Buy mekeleme i Ok, buy Basaŋ, mbur mindir ngi wuzla mizli Refayay. Naŋ a Asetarot waɗ a Edreyi.

⁵ Ok a wa hirwuy muwã Hermoŋ, Salka ati hirwuy Basaŋ gar, hã sesẽŋ ar maakway ati Gesurihey ati Maˀakahay, waɗ a wa reta ngi hirwuy Galaˀat, i hirwuy ngi Sihoŋ, buy Heseboŋ.

⁶ Moyis, gawla ngi Bumbulvuŋ ati Israyeleye, a kiɗaka taŋ. Joˀ Moyis gawla ngi Bumbulvuŋ a vula hirwuy tayna gar da mizli Rubeney, da Gatay waɗ da reta ngi sukwi ngi Manase.

⁷ Zozuwe ati Israyeley a kiɗam buyoy le a dubazaw Zurdeŋ, tisi pas ngi pastaˀa ma. Hirwuy taŋ a zlo zle a Baˀal-Gat, angi sozo Libaŋ, hã sesẽŋ a muwã Halak misilaɓɓa ngir ti Seˀir. Zozuwe a vula hirwuy tayna gar da Israyeley, a wuɗkaka vur sukwi vur sukwi.

⁸ Hirwuy tayna i: hirwuy vay muwãhay, ngir mukutukoy, ngi Arapay, ngir li mukutukoy, ngi wuzlaɓuh mikirɗak kirɗakay waɗ mikini tir vay ruwuyoy. Hanayna vuna gar na, i hirwuy ngi Hitihey, ngi Amorihey, ngi Kanaˀanay, ngi Perizihey, ngi Hivihey waɗ ngi Zebusihey.

⁹ Buy tayna, Israyeley mikiɗaka taŋ na, i buy ngir walahayay ani: buy Zeriko, buy Ay, walahay migweˀ avu Betel,

¹⁰ Zeruzalem, Hebroŋ,

¹¹ Yarmut, Lakis,

¹² Egloŋ, Gezer,

¹³ Debir, Geder,

¹⁴ Horma, Arat,

¹⁵ Libna, Adulam,

¹⁶ Makeda, Betel,

¹⁷ Tapuwa, Hefer,

¹⁸ Afek, Saroŋ,

¹⁹ Buy Madoŋ, buy Hasor,

²⁰ Simroŋ-Meroŋ, Akesaf,

²¹ Taˀanak, Megido,

²² Kedes, Yokneˀam ngi ruwuy Karmel,

²³ Dor a ˀAyzaw, Goyim ngi Galile,

²⁴ waɗ buy Tirsa. Taŋ jom gara, buyoy kukur makir ngaŋ kaˀa.