ZLI VIRZI 10 - Bible en langue guiziga

Mizli ngisi ruwuyoy: dideˀ ngi Sem, ngi kam waɗ ngi Zafet

¹ A dirba mekepel madiɗa muzuɓ na, Sem, kam waɗ Zafet, ziri ngi Noweheye, a yam ziri mizilehey le. Slimiɗ ngi dideˀ taŋhay ani:

² Ziri mizile ngi Zafetey i ti Gomer, Magok, Maday, Yavaŋ, Tubal, Mesek waɗ Tiras.

³ Ziri mizile ngi Gomerey i ti Askenas, Rifat waɗ Togarma.

⁴ Ziri mizile ngi Yavaŋhay i ti Elisa, Tarsis, Kitim waɗ Rodanim

⁵ Mizli mizliɗam hirnga ng'ar maturahay ati li ngi ciki mubuliyey na, i dideˀ taŋhay vuna gar, a lum hirwuyo, avu mi taŋ maɓam di maɓam di, yo avu sukwi taŋ mubo tivi dideˀ purla.

⁶ Ziri mizile ngi Kamay i ti: Kus, Misrayim, Put waɗ Kanaˀan.

⁷ Ziri mizile ngi Kusoy i ti: Seba, Havila, Sabta, Rakma waɗ Sabtaka. Ziri mizile ngi Rakmahay i ti Saba ati Dedaŋ.

⁸ Kus a yi Nemrot. Buy madiɗa mihimaˀ mudumbuŋ a ruwuyo i naŋ.

⁹ Nemrot i gaw madiɗa zleˀe a mihiri ngi Bumbulvuŋ. Vurˀe, mizli a ɓam: «Gaw madiɗa a mihiri ngi Bumbulvuŋ kaɓa Nemrot.»

¹⁰ Walahay madiɗa ngisi ruwuy naŋhay i Babel, Erek, Akad waɗ Kalne, taŋ cek angi hirwuy Sineˀar.

¹¹ Nemrod a bi ti ngi hirwuy hana, aru nga hirwuy Asiri. A pa walahay madiɗa Niniv, Rehobot - Ir, Kalah,

¹² waɗ Resen ar wala ngi Niniv ati Kelah walahay madiɗaŋ.

¹³ Misrayim a yi Ludihey, Enemey, Lehabay, Naftuhoy,

¹⁴ Patrosoy, Kasuluhoy. Filistihey waɗ Kafturoyo a boko baɗ avu taŋ.

¹⁵ Kanaˀan a yi Sidoŋ modogom naŋ, waɗ Het.

¹⁶ Het a yi Zebusihey, ngi Amorihey, Girgasihey,

¹⁷ Hivihey, Arkihey, Sinihey,

¹⁸ Arvadihey, Semarihey waɗ ngi Hamatay. A dirba nah, sukwi ngi Kanaˀnay a zliɗam hirnga bilyãˀ,

¹⁹ yo hirwuy ngi Kanaˀanay a ndih zle a Sidoŋ ngir ti Gerar, hã sesẽŋ a Gaza, ngir ti Sodom ati Gomor, Adma ati Seboyim hã a ndila Lesa.

²⁰ Hanayna a yi Kamay micifam vur dideˀ vur dideˀ, vur mi taŋ vur mi taŋ, angi hirwuy taŋ waɗ angi sukwi taŋ.

²¹ Sem sukumuŋ madiɗa ngi Zafete, a yi le ya. Naŋ i dideˀ madiɗa ngi Heber ati tizer naŋ gar.

²² Ziri mizile ngi Semey i ti Elam, Asur, Arpakzat, Lud waɗ A ram.

²³ Ziri mizile ngi Aramay i ti Us, Hul, Geter waɗ Mas.

²⁴ Arpakzat a yi Sela, Sela a yi Eber.

²⁵ Eber a yi ziri mizilehey cuw: mangal mudumbuŋ a zilaka Peleg, mbiɗeˀvra ‹Wunuk›, vur ar hin ngi siifa naŋ na, a wunkaka hirwuyo wunak wunak, yo a zilaka sukum naŋ Yoktaŋ.

²⁶ Yoktaŋ a yi Almodat, Selef, Hasarmavet, Yera

²⁷ Hadoram, Uzal, Dikla,

²⁸ Obal, Abimayel, Saba,

²⁹ Ofir, Havila waɗ Yobab. Hanayna gar i ziri mizile ngi Yoktaŋhay.

³⁰ Hay taŋhaya, a ndiraka taŋ zle a Mesa, kini ngir ti sarmuwã Sefar misi tisi pas ngi mipriki.

³¹ Hanayna a yi Semey, a cifam vur dideˀ vur dideˀ, vur mi taŋ vur mi taŋ, vur hirwuyo vur hirwuyo, waɗ vur sukwi vur sukwi.

³² Naŋ kahana, sukwi mubo tivi ziri ngi Noweheye vur wazlaray vur wazlaray, a jumom vur hirwuy vur hirwuy. A dirba mekepel madiɗa, sukwi ngi mizli mizliɗam hirnga asi ruwuy gar na, a boko baɗ avu taŋ.