ZEREMI 47 - Bible en langue guiziga

Mingiɓi ngi Bumbulvuŋ vur Filistihey

¹ Dumbuŋ angi buy madiɗa ngi Ezipte mikiɗam vu ati Gaza t'aruŋ na, Bumbulvuŋ a ɓa mingiɓi naŋ le vur Filistiheye da mijiviɗ Zeremi.

² Bumbulvuŋ a ɓi na: «Yam tir vay muŋ ara slkiɗ ti gidaŋ jirif jirif, ara tiri mizaw mangil, ara sirta hirwuyo yum yum ati gwat ngi raˀahaya gar yik yik, walahay ati mizli ngi raˀahaya. Mizli ara wudam: gawla kilawa! Mizli ngisi ruwuy gar ara wudam cǝruw cǝruw.

³ Asi mike na, ara cinam pilisey mahurmoko trek taŋhay a ruwuy, tuwuy ngi mota ngi vurumoy, hurum ngi sar ngi mota ngi vurumoy ti gidaŋ. Cine ngi ziri a roko haŋ wunak teˀ, a sinaka ziri mata.

⁴ Asi hin ngi ngizla Filistihey ara ndilawa, hin ngi susuymo mizli milahahay le, mindilaka le ngi jina Tir ati Sidoŋ. Haˀaw, Bumbulvuŋ ara ngizla Filistiheye, mizli mulohoko tir matura ngi Kaftoroy.

⁵ Gaza a ro hirnga hac hac kurzluˀ, Askaloŋ a cifi le siriw. Kum bugawlahay mindiram ti siifa na, kisa ndiram ar li cira vu kumoyo ngoɗ ngoɗ, hã ti vunaka?

⁶ Ki ra ɓam na: ‹Kay, bonoy madiɗa! Ka, maslalam ngi Bumbulvuŋ! Ki musuk vu mata wãˀ sukwa? Ci ng'ar hay ɗik a muŋ! Musuk vu! Cifi teˀ teˀe!

⁷ A musuk vu mbri mbrike? I Bumbulvuŋ vuna maslinaŋ nga gi slra, nga kiɗa hirwuy Askaloŋ ati ngi ˀay mubuliy. Naŋ miwaŋ haŋ na a diga.