ZEREMI 45 - Bible en langue guiziga

Mingiɓi ngi Bumbulvuŋ da Baruk

¹ Ti Zoˀakim mangal ngi Zoziyas maɓul vi mumufaɗ naŋ angi zumabuy asi ruwuy Zuda na, mijiviɗ Zeremi a ɓa ɓi da Baruk, mangal ngi Neriya, mingiɓi naŋ muslufa da Baruk vuna, ara toho angi ɗerewol ani:

² «Baruk, Bumbulvuŋ Buymisemuŋ ngi Israyel a ɓuw na:

³ Ki ɓi: ‹Kay, i bonoy mike gawlay! Bumbulvuŋ ara piy bonoy mekelem bac nga mi vu majiy tuwa ma, niˀic a tikiy gidaŋ le wãˀ, ko musuko vu anta.›

⁴ - Mingiɓi ka masa ɓaŋ di ani. Bumbulvuŋ a ɓi na: Gwat ya mindira le na, i ya vuna masa waha a muŋ, gwat ya mihirva le na, i ya masa muɗa a muŋ, i ga kanah asi ruwuy gar.

⁵ Naka, ki wuɗ gi gwat madiɗahay! ki wuluk kanah ta! I wuɗ i pulo bonoy ar gwat misi titiri gar, amma ka na, i guw gwat ɓa ki bi ti jeŋ, ar li ka maru gar na, ki ndir ti siifa ɓula.»