SLUFA VU 1 - Bible en langue guiziga

ISRAYELEY A WUZLA ƁUH NGI SINAY ( 1.1—10.10 ) Slufa Israyeley sar mudumbuŋ

¹ A wuzlaɓuh mikirɗak kirɗaka, Bumbulvuŋ a ɓa ɓi da Moyis ar guɗuk ngi zlir ti naŋ. Tapasa i hin mudumbuŋ ngi kiya mucuw naŋ, naɓa Israyeley muboko ti ruwuy Ezipte na, a gam le vi cuw si. Bumbulvuŋ a ɓaŋ na:

² «Kum ati Aroŋ, kisa slufaka jum ngi Israyeleye vur sukwi vur sukwi, vur wazlaray vur wazlaray. Ki sa slufaka slimiɗ ngi mizli mizileheye purla purla gar.

³ Slufaka ziley misi vi kukur cuw hã nga mbuŋ, mindilaka le ngi gi soje asi ruwuy Israyele. Slufaka taŋ ti ngay taŋ ti ngay taŋ.

⁴ Wuɗam buy ngi hay pal angi sukwi tiɗeˀe gar ngi jini kumo.

⁵ Slimiɗ ngi mizli masa junukumo, t'ani: Ar sukwi ngi Rubene, i Elisur mangal ngi Sedewur.

⁶ Ar sukwi ngi Simeyoŋ: i Selumiyel mangal ngi Surisaday,

⁷ ar sukwi ngi Zuda: i Nasoŋ mangal ngi Aminadap,

⁸ ar sukwi ngi Isakara: i Netaneyel mangal ngi Suwar,

⁹ ar sukwi ngi Zabuloŋ: i Eliyap mangal ngi Heloŋ,

¹⁰ ar sukwi ngi Efrayime, mangal ngi Zozef: i Elisama, mangal ngi Amihuɗ, ar sukwi ngi Manase mangal ngi Zozefe: i Gamliyel mangal ngi Pedasur,

¹¹ ar sukwi ngi Benjameŋ: i Abidaŋ mangal ngi Gidoni,

¹² ar sukwi ngi Daŋ: i Ehiyezer mangal ngi Amisaday,

¹³ ar sukwi ngi Asere: i Pagiyel mangal ngi Okraŋ,

¹⁴ ar sukwi ngi Gata: i Eliyasaf mangal ngi Sehuwel,

¹⁵ ar sukwi ngi Neftali: i Ahira mangal ngi Enaŋ.»

¹⁶ Mizli madiɗahay muwunaka taŋ ar sukwi mitaˀ taˀ gar na, i buy ngi soje Israyeleye ma.

¹⁷ Moyis ati Aroŋ a hilaka mizli muwuna mukuruˀ nga cuw tayna, ɓa a jinaka taŋ.

¹⁸ Hin mudumbuŋ ngi kiya mucuw naŋ na, a cikilaka mizli cek. Mbur Israyel mindila le vi kukur cuw malla a funa le gar na, a tohoko slimiɗ taŋhaya purla purla gar, vur muy vur muyo, vur wazlaray vur wazlaraya.

¹⁹ Moyis a slufa mizli a muwã Sinaya, kaɓa Bumbulvuŋ miɓaŋ di ɗaˀ le tuwa.

²⁰ Angi sukwi ngi Ruben, modogom ngi Israyele, a tohoko mizli purla purla gar, mizli mindilaka le vi kukur cuw gar, malla mufunaka le gar, yo magam slra ngi soje gu na, slimiɗ taŋhay ngir tizer taŋ vur muy vur muy, yo vur wazlaray vur wazlaray:

²¹ Taŋ jom gara, durmuk kukur mufaɗ nga merkeɗ ti skat skat zlum.

²² Sukwi ngi Simeyoŋ: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

²³ taŋ jom gara, durmuk kukur zlum nga ngoltir ti skat skat makir.

²⁴ Sukwi ngi Gata: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

²⁵ Taŋ jom gara: durmuk kukur mufaɗ nga zlum ti skat skat merkeɗ ti kukur zlum.

²⁶ Sukwi ngi Zuda: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

²⁷ Taŋ jom gara: durmuk kukur tarnaˀ nga mufaɗ ti skat skat merkeɗe.

²⁸ Sukwi ngi Isakara: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

²⁹ Taŋ jom gara: durmuk kukur zlum nga mufaɗ ti skat skat mufaɗ.

³⁰ Sukwi ngi Zabuloŋ: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

³¹ Taŋ jom gara: durmuk kukur zlum nga tarnaˀ ti skat skat mufaɗa.

³² Sukwi ngi Efrayim, mangal ngi Zozefe: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

³³ Taŋ jom gara: durmuk kukur mufaɗ ti skat skat zlum.

³⁴ Sukwi ngi Manase: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

³⁵ Taŋ jom gara durmuk kukur makir nga cuw ti skat skat cuw. P

³⁶ Sukwi ngi Benjameŋ: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

³⁷ Taŋ jom gara: durmuk kukur makir nga zlum ti skat skat mufaɗa.

³⁸ Sukwi ngi Daŋ: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

³⁹ Taŋ jom garadurmuk kukur merkeɗ nga cuw ti skat skat tarnaˀ.

⁴⁰ Sukwi ngi Asere: a tohoko ngi mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

⁴¹ Taŋ jom gara: durmuk kukur mufaɗ ngaŋ kaˀ ti skat skat zlum.

⁴² Sukwi ngi Neftali: a tohoko mizli purla purla gar, mizli mindilaka le vi kukur cuw, malla mufunaka le gar, yo magam slra ngi soje gu na, a tohoko slimiɗ taŋ ngir tizer taŋ vur muy vur muy, yo vur wazlaray vur wazlaraya:

⁴³ Taŋ jom gara: durmuk kukur zlum nga makir ti skat skat mufaɗa.

⁴⁴ Moyis, Aroŋ waɗ buy ngi hayay ngi sukwi Israyel mukuruˀ nga cuw tuwa, a slufaka Israyeleye gar.

⁴⁵ Vur wazlaray vur wazlaray, mizli misi vi kukur cuw malla mufunaka le, mindilaka le ngi gi soje asi ruwuy Israyele.

⁴⁶ A gam jom gara, taŋ mizli durmuk skat skat merkeɗ ti makir ti skat skat zlum ti kukur zlum.

Sukwi ngi Levi, slra nga naŋ wal

⁴⁷ Mizli ngir sukwi ngi Levi, taŋ sukwi ngi dideˀ taŋ mudumbuŋ na, a slufaka taŋ jom ati Israyel mekelemeye ta.

⁴⁸ Naŋ kine, Bumbulvuŋ a ɓa Moyise na:

⁴⁹ «Mizli ngi sluf a wuzla Israyel mekelemeye ta, yo ngi tuh a wuzla taŋ ta na, i sukwi ngi Levi pal naŋ.

⁵⁰ Guɗuk ngi huroˀo nga ya Buymisemvuŋ, misi ɗerewol ngi jumoˀay ara na, kisa pula slra naŋ asi haŋ taŋ. Gwat ngi slrahay ati gazlanga ngi raˀahay gar na, kisa pula taŋ asi haŋ taŋ ma. I taŋ masa jijiraka guɗuk ngi zlir ti ya waɗ gwat ngiraˀahaya gar. Masa gaka slra ngir guɗuk i taŋ, yo a sa ɗiyaka guɗuk taŋhaya gun hirnga guɗuk ngi zlir ti ya.

⁵¹ Da ara kirahaka guɗuko na, i levihey masa puwakaŋ. Da ara pam ma na, i levihey masa ng'aka hir naŋ a muŋ. Da mbur ngir sukwi mekelem pal, a gumboˀo le ng'avu guɗuk ngi huroˀo na, a kiɗaka vagay.

⁵² Israyeley a sa paka walahay guɗuko, mbur gar ar ngay ngi soje nga naŋ, a ciki drapo taŋ.

⁵³ Masa pam a ciki guɗuko, sey i sukwi ngi Levi tewle, a sa gaka slra taŋ. Kanah na, naɓa y'anta sa ji mevel ar Israyeleye ta.»

⁵⁴ Ɓi Bumbulvuŋ muɗuva da Moyis gar na, Israyeley a gaka le kasl kasl kanah.