NEHEMI 7 - Bible en langue guiziga

Ɓi ngi jigina walahay Zeruzalem

¹ Mihiri ngi ndira moholo, a kiɗ mi le muduba so, yo palalam ngi miviŋ naŋhaya kwana i micahay le. Akẽh na, mijigina mizlingrehey ati mizli dimisey waɗ Leviheye, i cifa taŋ le ar slra taŋhaya.

² Ar nah na, yi ɓi ɓa a cifaka sukum ɗu Hanani, ɓa i naŋ mawa Zeruzaleme. Yo hay muguno ti mohol, majiginam di walahaya, i Hananiya mawa naŋ ya. Asi mike na, Hananiya i mbur miteŋteŋ, a zluwun ti Buymisemuŋ fineˀ mizli mekelemey gar.

³ Dar yi ɓa taŋ na: «Da pas a bo ɗingir a muŋ t'aruŋ na, kum anta wunaka mizlingre ngi Zeruzalemeye ta. Yo da mijigina mizlingreheye, a cicam ar li taŋ t'aruŋ na, naɓa mizlingrehey a ndiram giceˀ giceˀ, ndeŋ ndeŋ. Waɗ ma na, anja mizli Zeruzalemey a cifam mizli ngi jigina walahaya. Mbur gar ar li nga naŋ nga naŋ, a mbuŋ hay naŋ.»

Slimiɗ ngi mizli mumam nga Palestin

⁴ Walahaya i madiɗa, yo naŋ fuk fuko ma gar, amma mizli ngi raˀahaya so na, taŋ neˀkinihi. Hayay kwana i manja ndirey aruŋ ma.

⁵ Akẽh na, Buymisemuŋ ɗu a ciy wuluk keŋ a hirnga ɓa i kuso mizli madiɗa ngi buyoy ati buyoyo waɗ mizli mekelemey gar, ɓa ngi toho slimiɗ ngi mizli gar. I luuma ɗerewol mutohoko slimiɗ ngi mizli dumbuŋ zleˀe mumoko tir li mihilaka taŋ nga diga na. Yo ar ɗerewol nah na, a tohoko mingiɓi ani:

⁶ Mizli mijahay nga hirwuy Zuda, Nabukodonozor, buy madiɗa ngi Babiloŋ mija taŋ zleˀe, mumoko nga Zeruzalem, hirwuy Zuda na, slimiɗ ngi mizli mekelemey a wuzla t'ani: Mbur gar na, a mo ng'ar walahay naŋ walahay naŋ.

⁷ Taŋ mumoko na, ngi mbuŋ taŋhay i ti: Zorobabel, Yesuwa, Nehemiya, Azariya, Raˀamiya, Nahamani, Mordokay, Bilesaŋ, Misperet, Bikvay, Nehum waɗ Baˀana. Yo mizli Israyeley vuna, slimiɗ taŋhay anihĩ:

⁸ Dideˀ ngi Parosoy: zileye durmuk cuw ti mizli skat ti kukur tarnaˀ nga cuw.

⁹ Dideˀ ngi Sefatiya: ziley skat skat makir ti kukur tarnaˀ nga cuw.

¹⁰ Dideˀ ngi Arahay: ziley skat skat merkeɗ ti kukur zlum nga cuw,

¹¹ Dideˀ ngi Pahat-Moˀapay, mbiɗeˀvra, muy ngi Yesuwahay ati ngi Yoˀapay: ziley durmuk cuw ti skat skat dangafaɗ ti mizli kuruˀ nga dangafaɗ.

¹² Dideˀ ngi Elamay: ziley durmuk ti skat skat cuw ti mizli kukur zlum nga mufaɗa,

¹³ Dideˀ ngi Zatuhoy: ziley skat dangafaɗ ti kukur mufaɗ nga zlum.

¹⁴ Dideˀ ngi Zakayay: ziley skat skat tarnaˀ ti kukur merkeɗ.

¹⁵ Dideˀ ngi Binuwihey: ziley skat skat merkeɗ ti kukur mufaɗ nga dangafaɗ.

¹⁶ Dideˀ ngi Bebay: ziley skat skat merkeɗ ti kukur cuw nga dangafaɗ.

¹⁷ Dideˀ ngi Asgatay: ziley durmuk cuw ti skat skat makir ti mizli kukur cuw nga cuw.

¹⁸ Dideˀ ngi Adonikamay: ziley skat skat merkeɗ ti mizli kukur merkeɗ nga tarnaˀ.

¹⁹ Dideˀ ngi Bigvayay: ziley durmuk cuw ti mizli kukur merkeɗ nga tarnaˀ.

²⁰ Dideˀ ngi Adiŋhey: ziley skat skat merkeɗ ti mizli kukur zlum nga zlum.

²¹ Dideˀ ngi Aterey, mbiɗeˀvra tizer ngi Hiskiyahay: ziley kukur ngoltir nga dangafaɗ.

²² Dideˀ ngi Hasumoy: ziley skat skat makir ti mizli kukur cuw nga dangafaɗ.

²³ Dideˀ ngi Besayay: ziley skat skat makir ti mizli kukur cuw nga mufaɗ.

²⁴ Dideˀ ngi Harifey: ziley skat ti kuruˀ nga cuw.

²⁵ Mizli ngi Gabaˀoŋhoy: ziley kukur ngoltir ngaˀa zlum.

²⁶ Mizli ngi Betelyemey: ziley skat ti kukur dangafaɗ nga dangafaɗ.

²⁷ Mizli ngi Anatotoy: ziley skat ti kukur cuw nga dangafaɗ.

²⁸ Mizli ngi Bet-Asmavetey: ziley kukur mufaɗ nga cuw.

²⁹ Mizli ngi Kiriyat-Yeˀarimey ati ngi Kefira-Beˀerotoy: ziley skat skat tarnaˀ ti mizli kukur mufaɗ nga makir.

³⁰ Mizli ngi Rama ati ngi Gebahay: ziley skat skat merkeɗ ti mizli kukur cuw ngaŋ kaˀ.

³¹ Mizli ngi Mikmasay: ziley skat ti kukur cuw nga cuw.

³² Mizli Betel ati Ayay: ziley skat ti kukur cuw nga makir.

³³ Mizli ngir walahay mekelem a Nebo: ziley kukur zlum ti cuw.

³⁴ Dideˀ ngi Elamay, i Elam mekelem pal: ziley durmuk ti skat skat cuw ti mizli kukur zlum nga mufaɗ.

³⁵ Dideˀ ngi Harimey: ziley skat skat makir ti kukur cuw.

³⁶ Mizli ngi Zerikohoy: ziley skat skat makir ti kukur mufaɗ nga zlum.

³⁷ Dideˀ ngi Lotoy, ngi Haditey waɗ ngi Onohoy: ziley skat skat tarnaˀ ti mizli kukur cuw ti pal.

³⁸ Dideˀ ngi Senaˀahay: ziley durmuk makir ti skat skat ngoltir ti mizli kukur makir.

³⁹ Masayay, i dideˀ ngi Yedeyahay, mbiɗeˀvra mizli ngir tizer ngi Zozuwehey: ziley skat skat ngoltir ti mizli kukur tarnaˀ nga makir.

⁴⁰ Dideˀ ngi Imerey: ziley durmuk ti mizli kukur zlum nga cuw.

⁴¹ Dideˀ ngi Pasihuroy: ziley durmuk ti skat skat cuw ti kukur mufaɗ nga tarnaˀ.

⁴² Dideˀ ngi Harimey: ziley durmuk ti mizli kuruˀ nga tarnaˀ.

⁴³ Leviheye: i dideˀ ngi Yesuwahay, ngi Katmiyel ati ngi Binuwihey, waɗ ngi Hodevahay: ziley kukur tarnaˀ nga mufaɗ.

⁴⁴ Dideˀ ngi Asafay, i mizlidimisey ar hay ngi Bumbulvuŋ: ziley skat ti kukur mufaɗ nga dangafaɗ.

⁴⁵ Mijigina mizlingrehey: i dideˀ ngi Salumoy, Ater, Talmoŋ, Akup, Hatita waɗ ngi Sobay: ziley skat ti kukur makir nga dangafaɗ.

⁴⁶ Gawla migi slra ngir hay Bumbulvuŋhoyo: i dideˀ ngi Sihahay, ngi Hasufa, ngi Tabaˀotoy,

⁴⁷ dideˀ ngi Kerosoy, ngi Siya ati ngi Padoŋhoy,

⁴⁸ dideˀ ngi Lebanahay, ngi Hagaba ati ngi Salmayay,

⁴⁹ dideˀ ngi Hanaŋhay, ngi Gidel ati ngi Gaharay,

⁵⁰ dideˀ ngi Reˀayahay, ngi Resiŋhey ati ngi Nekodahay,

⁵¹ dideˀ ngi Gazamay ati ngi Uzahay waɗ ngi Paseyahay,

⁵² dideˀ ngi Besayay ati ngi Meˀunimey waɗ ngi Nefusesimey,

⁵³ dideˀ ngi Bakbukoy ati ngi Hakufahay waɗ ngi Haruroy,

⁵⁴ dideˀ ngi Baslitey ati ngi Mehidahay waɗ ngi Harsahay,

⁵⁵ dideˀ ngi Barkosoy ati ngi Sisrahay waɗ ngi Temahay,

⁵⁶ dideˀ ngi Nesiyahay ati ngi Hatifahay.

⁵⁷ Dideˀhey muboko tivi gawla ngi Salomoŋhoy i ti: dideˀ ngi Sotayay ati ngi Soferetey waɗ ngi Peridahay,

⁵⁸ dideˀ ngi Yalahay ati ngi Darkoŋhoy waɗ ngi Gideley,

⁵⁹ dideˀ ngi Sefatiyahay ati ngi Hatiley, ngi Pokeret-Hasebayimey waɗ ngi Amoŋhoy.

⁶⁰ Gawla ngi Salomoŋhoy gar ati dideˀ ngi gawla naŋhay gar na, taŋ: skat skat makir ti mizli kukur ngoltir nga cuw.

⁶¹ Mizli ada, a soko baɗ ti ruwuy Tel-Mela, Tel-Harsa, ti Kerup-Adoŋ waɗ ti Imer. Mizli tayna, ɓa a bigaka zliv i dideˀ taŋhay i muy ngi Israyeley gisiŋ kwa na, a si na ka ta.

⁶² I Dideˀ ngi Delayahay ati ngi Tobiyahay waɗ ngi Nekodahay: ziley skat skat merkeɗ ti kukur mufaɗ nga cuw.

⁶³ Mekelemey a wuzla masayaya kwana i ti: dideˀ ngi Hobayahay ati ngi Hakosoy waɗ ngi Barzilayay. Barzilay hana a zuɓ ngi ngwasa i zuŋ ngi wuzla ziri mongoso ngi Barzilayay, mbur Galaˀat. A zilaka Barzilay na aseˀe.

⁶⁴ Mizli tayna a sipaka ɗerewol ngi slimiɗ ngi dideˀ taŋhaya gar gar, ko a lumaka ta. Dar mizli a njikaka taŋ di kpah ar li babara, a ɓaka taŋ: taŋ i mizli misi dilihey, mubahay le avra tir slra ngi mikuli.

⁶⁵ Buy miwi li a ɓa taŋ, ɗaf ngi mikuli mipal wãˀ da Buymisemuŋ na, anja taŋ a zumam ta, hã masay mujuwa le a mevele ngi mucufuɗa Buymisemuŋ ti Urim ati tumim ɗagay far.

⁶⁶ Mizli musoko tayna ti ruwuy mulak na, taˀ taŋ gara: mizli durmuk kukur mufaɗ nga cuw ti mizli skat skat makir ti kukur merkeɗ,

⁶⁷ mbak gawla migi slra taŋhay ati ngwas migi slra taŋhaya le. Taŋ kwana, jom gara mizli durmuk tarnaˀ ti mizli skat skat makir ti kukur makir nga tarnaˀ, yo mizli dimiseye, ziley ati ngwasaya, taŋ mizli skat skat cuw ti kukur mufaɗ nga zlum.

⁶⁸ Taŋ ti zlogomohoy skat skat mufaɗ ti kukur makir nga zlum waɗ zunguhoy durmuk merkeɗ ti skat skat tarnaˀ ti kukur cuw.

⁶⁹ Mizli cah a wuzla buy ngi hayay, a vulam gwat ngi gi slra ngi ndira hay ngi Buymisemuŋ. Buy miwi li a vul ng'ar sunduruk ngir hay Buymisemuŋ, ɓiri tapasl tapasl durmuk, sikiɗ ngi pusla mbaazla ngi mezegweley kukur zlum, zana ngi masayay skat skat zlum ti kukur makir.

⁷⁰ Mizli mekelemey a wuzla buy ngi hayay mitaˀ taˀa, a vulam gwatay ngi gi slra ngi ndira hay ngi Buymisemuŋ, ɓiri tapasl tapasl durmuk kukur cuw, waɗ ɓiri bara durmuk cuw ti skat skat cuw.

⁷¹ Yo mizli mekelemey gar muvulama kwana, a gi le: ɓiri tapasl tapasl durmuk kukur cuw, ɓiri bara durmuk cuw waɗ zana ngi masayay kukur merkeɗ nga tarnaˀ.

⁷² «A dirba nah so na, masayay, Levihey, mijigina mizlingrehey, mizli dimisey, mekelemey a wuzla sukwi ngi Israyeleye, migi slra ngir hay ngi Bumbulvuŋhoy ati Israyel mekelemey gar na, a pam ar walahay taŋhaya.» Taŋ mindilaka kiya mitarnaˀ naŋ na, naɓa Israyeley gar a cifam le kuy kuy ar walahay taŋhaya muduba so.