NEHEMI 11 - Bible en langue guiziga

Slimiɗ ngi Yudehey miram nga pa Zeruzaleme hiri naŋ a muŋ

¹ Buy ngi mizli, a cifam ti hay taŋhaya a Zeruzalem. Mizli mindiramaya, a wuzla mizli kuruˀ na, a gam ceregezleŋ ngi wini mbur purla, ɓa naŋ ara cifi a Zeruzalem, walahay mipal. Amma mungoltir mekelemeye, a cifam ko ar walahay wanaka zuy.

² Mizli mekelemeye, a vulaka vu taŋ ngi mongoy taŋ, nga cifi a Zeruzaleme. Dar mizli a ɗuwulaka taŋ mi.

³ Buy miwi lihey a cifam a Zeruzalem. Asi mike na, ar walahay ngi si ruwuy Zudahaya, Israyeley, masayay, Levihey, gawla ngir hay ngi Bumbulvuŋhoy waɗ ziri ngi gawla ngi Salomoŋhoy gar na, mbur gar, a cifi ar li nga naŋ nga naŋ, yo ar walahay taŋhay, walahay taŋhay.

⁴ Ko ti nah gar na, mekelemey a wuzla mizli Yudehey ati ngi Benjameŋheye, a cifam a Zeruzaslem. A wuzla mizli ngi Zudahaya i ti: Ataya, muy ngi Peres, dideˀ ngi Malaleyel angi tizer ngi Sefatiya, ngi Amariya, Zakari Uziya,

⁵ waɗ Maˀaseya, dideˀ ngi Siloni. Angi tizer ngi Zakari, Yoyarip, Adaya, Hazaya, Kol-Hoze waɗ Baruk.

⁶ Dideˀ ngi Perizihey micifam a Zeruzalem na, jom gara, mizli ngi vurumoyo skat skat mufaɗ ti kukur merkeɗ nga dangafaɗ.

⁷ Dideˀ ngi Benjameŋheye i ti: Salu, dideˀ ngi Yesaya, angi tizer ngi Itiyel, Maˀaseya, Kolaya, Pedaya, Yowet waɗ Mesulam.

⁸ Yo a dirba nah na, i ti: Gabay ati Salay, jom gara taŋ mizli skat skat ngoltir ti mizli kukur cuw nga dangafaɗa.

⁹ Zowel, mangal ngi Zikri na, i buyɓi ngi jum ngi mizli hanayna. Amma Yehuda, mangal ngi Hasenuwa, i mucuw ngi buy ngi walahay.

¹⁰ Masayaya i ti: Yedaya, mangal ngi Yoyarip, Yakiŋ,

¹¹ Seraya, dideˀ ngi Ahitup, masay madiɗa, angi tizer ngi Merayot, Sadok, Mesulam ati Hilkiya,

¹² waɗ muy taŋhay magam slra ar hay ngi Buymisemuŋ, taŋ mizli skat skat dangafaɗ ti kukur cuw nga cuw, i ti: Adaya, dideˀ ngi Malkiya, angi tizer ngi Pasehur, Zakari, Amsi, Pelaliya ati Yeroˀam,

¹³ ati sukum naŋhay, buy ngi hayay, taŋ mizli skat skat cuw ti kukur mufaɗ nga cuw, i ti: Amasesay, dideˀ ngi Imer, angi tizer ngi Mesilemot, Azay waɗ Azarel,

¹⁴ ati sukum taŋhay, mizli mupuɗaw puɗaway skat ti kukur cuw nga dangafaɗ. Buy ngi jum ngi mizli hanayna i Zaɓdiyel, mangal ngi Hagedolim.

¹⁵ A wuzla Leviheye i ti: Semaya, mangal ngi Buni, angi tizer ngi Hasabiya, Asrikam ati Hasup,

¹⁶ waɗ buy ngi si Levihey vuna i ti Sabetay ati Yosabat, magam slra ar hay ngi Buymisemuŋ ti vra naŋ.

¹⁷ Mataniya, dideˀ ngi Asaf, angi tizer ngi Zaɓdi ati Mika. Ti pas ngi diradibiɗ na, a vulaka Matatiya i slra ngi bo ti ˀay ngi dimis ngi hunuma Bumbulvuŋ. Basukiya, mijinga ngi Matatiya a wuzla sukum naŋhaya i mucuw naŋ ngi bo ti ˀay ngi dimise, yo Abda, dideˀ ngi Yedutuŋ, angi tizer ngi Galal ati Samiwa.

¹⁸ Levihey misi ar walahay ngi Bumbulvuŋ, taŋ jom gar taŋ, mizli skat skat cuw ti kukur dangafaɗ nga mufaɗa.

¹⁹ Mijigina mizlingreheye i ti: Akup ati Talmoŋ, waɗ muy taŋhaya, mizli skat ti kukur tarnaˀ nga cuw, ngi jigina mizlingre.

²⁰ Israyel mekelemey ati masayay, waɗ Leviheye, taŋ suweˀ angi walahay ngi si ruwuy Zudahaya, mbur gar, a cifi angi li naŋ, angi li naŋ.

²¹ Gawla migi slra ngir hay ngi Bumbulvuŋhoyo a cifam a Zeruzalem, a slala Ofel. Miwaka taŋ i ti Siha ati Gisepa.

²² Buy ɓi ngi si Levihey a Zeruzaleme i Uzi, dideˀ ngi Mika, angi tizer ngi Mataniya, Hasabiya ati Bani. Uzi i muy ngi dideˀ ngi Asafay. Muy ngi Asafay i mizli dimisey mazlaka ar hay ngi Buymisemuŋ.

²³ Mizli dimiseye, slra taŋ magaka vur hin gar na, sey a cinam tivi ɓi buy miɓa le ɗaˀ le ati jiviɗ naŋ mupula taŋ di le, vur hine vur hine.

²⁴ Petahiya, mangal ngi Mesezabel, angi muy ngi Zera, mangal ngi Zuda, gwat mica mizli le a mamay buy Peres gar na, mideŋ i naŋ.

Yudehey misi a Zeruzalem ta

²⁵ Mizli mekelemey angi sukwi ngi Zuda, a cifam ar dulumoy ani: A Kiryat-Arba ati prok naŋhay, Diboŋ ati prok naŋhay, Yekapseyel ati li ngi cikeˀehey,

²⁶ Yesuwa, Molada, Bet-Pelet,

²⁷ Hasar-Suwal, Berseba ati prok naŋhay,

²⁸ Siklak, Mekona ati prok naŋhay,

²⁹ En-Rimoŋ, Sora, Yarmut,

³⁰ Zanoa, Adulam ati prok naŋhay, Lakis ati prok naŋhay, Azeka ati prok naŋhay. A pam zle a Ber-Seba, hã sesẽŋ a ciki hurjijiŋ ngi Hinom.

³¹ Mizli ngi Benjameŋheye, a pam zle a Geba, Mikmas, Aya, Betel ati purok naŋhaya,

³² a Anatot, Nop, Ananiya,

³³ Hasor, Rama, Gitayim,

³⁴ Hadit, Seboyim, Nebalat,

³⁵ Lot, Ono waɗ ar sozo ngi mizli misina ɗiya gwat ngi gi ti haŋhay.

³⁶ Mekelemey a wuzla Leviheye, a slikiɗam baɗ a ruwuy Zuda nga ruwuy Benjameŋ.