ESDRAS 10 - Bible en langue guiziga

Yudehey muɓulaka ngwas taŋhay, sukwi mekelemey avra

¹ Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

² Akẽh na, Sekaniya, mangal ngi Yehiyel, dideˀ ngi Elam, a ɓa Esdrasa: «Ndra muzuɓam ngi ngwasaya, i ziri ngi mizli mulak ngi si ruwuy hana na, i gam teŋteŋ ta le avu Buymisemuŋ ndra. Amma wurenna, Israyeleye, t'ada ti njaha hiri vur ɓi misenna.

³ Ɗiyukum ɓi ngi jumoˀay ati Buymisemuŋ ndra, vur ɓi ngi ɓula ngwas ndra mulakay ati ziri taŋhaya cek. I sipam di i mi ngi kuti ngi ɗik, ka kumani ɗu Esdras ati ngi mizli gar mazluwunam ti ɓimuɗuva ngi Buymisemuŋ ndra na. Sey i gaka kaɓa ɓimujuwa mawuɗo.

⁴ Wurenna, slikiɗi, hana i slra ɗiki, i sa junukuw, cici zlak gidaŋ gidaŋ, ga slra ɗike.»

⁵ Dar Esdras a slikiɗi, a hudumo masayay ati levihey waɗ Israyeleye gar, ɓa a gaka gwat Sekaniya mubo di ani na, a hudumom.

⁶ Esdras a slikiɗ tir li naŋ misi a mbuŋ hay ngi Buymisemuŋ tuwa. Aru kini ng'avi viŋ ngi Yohanaŋ, mangal ngi Eliyasip. Naŋ mindil a diga na, a zum ɗaf ta, a si yam ta, asi a ro lik vur mizli mijahay zleˀe mumoko ti ruwuy mulak, migam teŋteŋ ta na.

⁷ Akẽh na, a slinam a tilam mi a Zeruzalem waɗ asi ruwuy Zuda gar, a ɓaka mizli mijahay zleˀe mumoko ti ruwuy mulak na, a kusom keɗeɗe a Zeruzalem.

⁸ Angi hin makir na, da mbur aru kaɓa ɓi ngi buyoy ati mizli micawwahay miɓaka na ta na, a sa ngizlakaŋ zlili naŋhaya kap ar slimiɗ ngi Bumbulvuŋ, yo a sa ɓulakaŋ naŋ vuna avra ti wuzla jum ngi mizli mijahay zleˀe mumoko ti ruwuy mulaka.

⁹ Dar mizli Zudahay gar waɗ Benjameŋhey a kusom a Zeruzalem angi hin makire. Naɓa i hin kukur cuw ngi kiya mungoltir naŋ. Mizli gar t'ada joa mamay hay Buymisemuŋ, a roko jijikam vur ɓi nah, yo vur vuŋ ara gi ma.

¹⁰ Masay Esdras, a slikiɗ, dar a ɓa taŋ: «Israyeley, kum migam teŋteŋ ta, yo kum muzuɓam ziri ngi mizli mulakay na, kite ki giɗam di i mungra ngi Israyeley ava.

¹¹ Wurenna, njikaka mungra kumoyo da Bumbulvuŋ, Buymisemuŋ ngi dideˀ kumoyo, yo gakaŋ gwat naŋ mawuɗo. Wunukam ati mizli ngi si ruwuy hana, waɗ ati ngwas kumoy, ziri mulakay na.»

¹² Mizli misi ar kuso gar, a mbiɗakaŋ di ˀay paɗ a muŋ: «Naŋ kanah gisiŋ! Sey i gaka gwat ka miɓa ndra di na.

¹³ Amma zigiduwo haɗa, yo i viya ma, mbur a cici avra gu ta. Na zle, i gwat ngi gi ar hin pal malla cuw ta, asi ndra migam mungra nah vuna, ndra haɗa.

¹⁴ Anja buy ndrahay a zuɓaka ɓi nah vur jum ngi mizli gar si, yo mizli Israyeley gar, muzuɓam ngi ngwasaya i ziri mulakay na, hin mislaka taŋ di le na, anja a soko ati mizli micawwa waɗ migi kiita ngir walahay taŋhaya, ngir walahay taŋhaya, hã Buymisemuŋ miji mevel fõh fõh ar ndra na, a tisla mevele.»

¹⁵ Amma Yonataŋ, mangal ngi Asayel ati Yaziya, mangal ngi Tikva, a ngumam tiɓa ɓi hana ta, waɗ Mesulam ati Sabetay, mbur levi, jom ng'avi taŋ, a jinaka taŋ.

¹⁶ Amma mizli mijahay zleˀe mumoko ti ruwuy mulaka, a gaka kaɓa miɓaka taŋ di na. Dar Esdras a wini mizli madiɗahay vur muyo vur muyo tiɗeˀe, a zila taŋ daɗ daɗ ti slimiɗ ti slimiɗ. Ngi hin kuruˀ ngi kiya mudumbuŋ naŋ na, a cifam jojoˀ ngi pura ɓi nah so.

¹⁷ Yo ngi hin mudumbuŋ ngi kiya mudumbuŋ na, mizli gar muzuɓam ngwasay i ziri mulakay tuwa na, pura ɓi nah a kiɗ mi le.

Slimiɗ ngi Yudehey muzluɓam ɓi

¹⁸ A wuzla masayaya, muzuɓam ngwasay, ziri mulakaya, t'ani: A wuzla dideˀ ngi Yesuwahay ati sukum naŋ, ziri ngi Yosadakaya, i ti: Maˀaseya, Eliyezer, Yarip, waɗ Gedaliya.

¹⁹ A ɓam ɗaˀ ɗaˀ ti hudum, ɓa a ɓulaka ngwas taŋhaya, yo ɓa a vulam zlengerek pal ngi gi mikuli ngi ɗiya ɓi ngi mungra taŋ.

²⁰ A wuzla dideˀ ngi Imereye, i ti: Hanani ati Zebadiya.

²¹ A wuzla dideˀ ngi Harimeye, i ti: Maˀaseya, Eliya, Semaya, Yehiyel waɗ Uziya.

²² A wuzla dideˀ ngi Pasehuroyo, i ti: Eliyohenay, Maˀaseya, Ismayel, Netaneyel, Yosabat waɗ Elasa.

²³ A wuzla Leviheye, i ti: Yosabat, Simey, Kelaya, (ada zilaka Kelita ma), Petahiya, Yehuda waɗ Eliyezer.

²⁴ A wuzla mizli dimiseye, i: Eliyasiɓ. A wuzla mijigina mizlingreheye, i ti: Salum, Telem waɗ Uri.

²⁵ A wuzla Israyel mekelemeye, i dideˀ ngi Parokoy: ti Ramiya, Iziya, Malkiya, Miyamin, Elazar, Malkiya waɗ Benaya.

²⁶ A wuzla dideˀ ngi Elamay, i ti: Mataniya, Zakari, Yehiyel, Abidi, Yeremot waɗ Eliya.

²⁷ A wuzla dideˀ ngi Zatuhoyo, i ti: Eliyohenay, Eliyasip, Mataniya, Yeremot, Zabat waɗ Aziza.

²⁸ A wuzla dideˀ ngi Bebayaya, i ti: Yohanaŋ, Hananiya, Zabay waɗ Atilay.

²⁹ A wuzla dideˀ ngi Baniheye, i ti: Mesulam, Maluk, Adaya, Yasup, Seyal waɗ Yeremot.

³⁰ A wuzla dideˀ ngi pahat-Moˀapaya, i ti: Adina, Kelal, Benaya, Maˀaseya, Mataniya, Besalel, Binuwi waɗ Manase.

³¹ A wuzla dideˀ ngi Harimeye, i ti: Eliyezer, Isiya, Malkiya, Semaya, Simoŋ,

³² Benjameŋ, Maluk waɗ Semariya.

³³ A wuzla dideˀ ngi Hasumoyo, i ti: Matenay, Matata, Zabat, Elifelet, Yeremay, Manase waɗ Simey.

³⁴ A wuzla dideˀ ngi Baniheye, i ti: Maˀaday, Amram, Uwel,

³⁵ Benaya, Bediya, Keluhu,

³⁶ Vaniya, Meremot, Eliyasip,

³⁷ Mataniya, Matenay, Yasay,

³⁸ Bani, Binuwi, Simey,

³⁹ Selemiya, Nataŋ, Adaya,

⁴⁰ Makenadebay, Sasay, Saray,

⁴¹ Azarel, Selemiya, Semariya,

⁴² Salum, Amariya waɗ Zozef.

⁴³ A wuzla dideˀ ngi Nebohoyo, i ti: Yehiyel, Matitiya, Zabat, Zebina, Yaday, Zowel waɗ Benaya.

⁴⁴ Mizli tayna gar na, a ɗuvam ngwasaya i ziri mulakay, yo hã mekelemey a wuzla taŋ a yam ziri le.