DIMISEY 99 - Bible en langue guiziga

Bumbulvuŋ i buy madiɗaŋ, Buymisemuŋ migisiŋ i naŋ pal naŋ

¹ Bumbulvuŋ i buy madiɗaŋ, anja mizli a jijikam di! A ro a hirnga Kerubeŋhey: hirwuy ara wus hiɓik hiɓik!

² Bumbulvuŋ i madiɗa a Siyoŋ, yo a wa sukwi ngi mizli le gar.

³ Ka Bumbulvuŋ, misi slimiɗ ɗik mazil haɗa, magi zluwun da mbur na, anja mizli a hunumukuw. Kay, ka pal.

⁴ Gidaŋ ngi buy madiɗa, i wuɗa gi gwat mikalslsa. Muɗuva ɓa gwat gar a sipi ti jiviɗ naŋ ɗalla na i kaha. Gi gwat mikaslsla ati gi gwat mijeŋŋe asi ruwuy Israyele, miga taŋ i kaha.

⁵ Zluzluɓam a mbuŋ Bumbulvuŋ, Buymisemuŋ ndra, hurukom drus drus a mbuŋ li ɗuva sar naŋ. Kay, ka pal!

⁶ A wuzla masay naŋhaya, Moyis ati Aroŋ, yo a wuzla mizli mazilaka slimiɗ naŋ na kwana, i Samuyel, taŋ a tumbuloko Bumbulvuŋ le zleˀe, a zila taŋ mi le.

⁷ A ɓo taŋ zleˀe baɗ tir musure ngi gazlavay, mingiɓi naŋ muɗuva taŋ di, waɗ ɓimujuwahay, naŋ muvula taŋ di gar na, a sipaka taŋ le.

⁸ Bumbulvuŋ, Buymisemuŋ ndra, taŋ mizilukuw na, mimbiɗa taŋ di i ka ti haŋ ɗike, ka avu taŋ, ki Bumbulvuŋ mandi ɓi, amma ki kuta taŋ le ti bonoy, asi gi gwat taŋ mijeŋ ta na ɓula.

⁹ Zluzluɓam a mbuŋ Bumbulvuŋ, Buymisemuŋ ndra, hurukom drus drus puɗak ng'ar muwã nga naŋ na, asi Bumbulvuŋ, Buymisemuŋ ndra, naŋ pal.