DIMISEY 95 - Bible en langue guiziga

Tapas mbur muru le a mbuŋ Bumbulvuŋ

¹ Soko, jukum salalay da Bumbulvuŋ, zluzluɓukum a mbuŋ gidigil muwã ndra, malaha ndra.

² Akum nga mbuŋ naŋ, i gakaŋ sise, hunumukum di ti dimisi.

³ Asi Bumbulvuŋ i Buy madiɗa misemuŋ, i buy madiɗa misi a hirnga kuliheye gar.

⁴ Mijileŋ ngi ruwuyo, naŋ asi haŋ naŋ, mesengel ngi muwãhaya, inga naŋhay.

⁵ Mubuliy inga naŋ, asi i naŋ migaŋ, yo hirwuy mitaˀ taˀa, i naŋ miga taŋ ma.

⁶ Coko, gǝrdǝˀukum, guɓukum durus durus, dulukukum ti milwis, a mbuŋ Bumbulvuŋ miga ndra na.

⁷ Asi naŋ i Buymisemuŋ ndra, ndr'i mizli naŋhay, naŋ majigina ndra, ndr'i ginew gezleŋ taˀ, naŋ i mijigin ndra. Cinaka naŋ maɓukum dan'ani:

⁸ «Ki gam hirnga gidaŋ kaɓa dideˀ kumoy a Meriba na ta, waɗ a Masa a wuzlaɓuh mikirɗak kirɗak na ta.

⁹ Adiga na, dideˀ kumoyo gar ti taŋ mupuraka gwat ya miga na tekeɗe kwana, a jiginam mi avu ya, yo a cam a kwacay ɗu gbaˀ na si.

¹⁰ Dideˀ kum tayna, angi vi mizli ngir mufaɗa, kay, a gikiy di i gwat mundum a mevele ta wãˀ, joˀ yi ɓi na: «Mizli tayna, lesl taŋ a hiryi le, a sinaka sipi jiviɗ ɗu ta.»

¹¹ Ar ya muro ti mevel tuwa na, dar yi hudum, i ɓi na: Tˀanta sa cam ar hirwuy, ya miɗiya taŋ di ngi musuko vu na ta ndiɗaˀ wãˀ.»