DIMISEY 82 - Bible en langue guiziga

Buymisemuŋ a ga kiita da mizli gar jeŋŋe gisiŋ

¹ Dimis ngi wuzla dimis ngi Asafay. Buymisemuŋ naŋ da deŋ a wuzla kus ngi mingilawuy naŋhaya, ara gi kiita a wuzla madiɗa ngi muŋhoy, a ɓa taŋ:

² «Kum magaka kiita jeŋŋe ta, yo mizli muzluɓam ɓi le, ki jinaka taŋ na, kisa kiɗaka mi nah hã ti vunaka?

³ Mbur hĩhĩy malla mutuhu na, gakaŋ kiita mijeŋŋe jak ayɗi, mbur misi murga malla mbur migeˀ ircece le na, gakaŋ kiita mikaslsla.

⁴ Mbur hĩhĩy malla mbur migeˀ ircece le na, cukokoŋ tir bonoy naŋ, tiɓakaŋ tisi haŋ ngi misi moˀoreheye.

⁵ Amma ko ki sinam gwat ta, ki slaka wala ngi ɓi ta, ki cam le ng'ar luvuŋ, ki ra ram tiɗam tiɗam, vurˀe, duniya gar ara jijik ti ɓi kumo.

⁶ Yi ɓa njah si: kum i Buymisemuŋhoy,. kum i ziri mizile ngi Buymisemuŋ Mimadiɗa.

⁷ Ani kisa micam ka mizli gar vuna ngbaŋ, kisa ndilam a ruwuy kaɓa buyoy gar vuna ya ngbaŋ.»

⁸ Buymisemuŋ ɗu, slikiɗi, ga kiita ngi duniya gar, asi mawa sukwi ngi mizli gar i kaha.