DIMISEY 61 - Bible en langue guiziga

Buymisemuŋ, i wuɗ i ndir ngi caˀa a hay ɗiki

¹ Dimis ngi wuzla dimis ngi Davitey. I mulumo di ar ɗerewol buy dimis. Dimis ngi gujuvur.

² Aw Buymisemuŋ, cine widi ɗu, jika slimiɗ ngi cine diradibiɗ ɗu takwa!

³ Da ya mihĩhĩy le na, i tiluw mi zle asi ruwuy mikiɗ mi. Kisiy nga muwã, ya mandila hirnga naŋ gu ta na.

⁴ Asi ka, ki li ɗum ɗu, hay ɗu mindira gidaŋ gidaŋ vur mesene ɗuwoy.

⁵ Yi wuɗ ɓa ki tiɓiy ng'ar guɗuk ɗike ngi sete, yo ɓa y'ada ɗum a diga asi kirpasl ɗiki.

⁶ Mingiɓi ɗu ngi ji mi ɗik na, maciniy di i ka Buymisemuŋ ɗu, yo gwat ka miwi di vu na, ki ra vula da mizli mazluwunam ti ka.

⁷ Ja hutuŋ subur da buy madiɗa, anja a vi vi skat skat mbeˀmbeˀe,

⁸ Aw Buymisemuŋ ɗu, anja a zum buy ngi caˀ a mbuŋ ɗike! Anja ki jiginaŋ ti gi teŋteŋ waɗ ti gi kaslsla ɗike.

⁹ Akẽh na, i sa hunumuw ti dimis ko teˀ le ta ɓa ɓi ɗu ngi ji mi ɗik tuwa na, a gi vur hin gar muduba.