DIMISEY 54 - Bible en langue guiziga

Mbur muguzuvura mazila Buymisemuŋ

¹ Dimis ngi wuzla dimis ngi Divitey. I mulumo di ar ɗerewol ngi buy dimis. Dimis ngi gujuvur.

² A ɓi ɓi ngi mizli Zifey miram ng'avi Sawul, a ɓakaŋ na: «Davit a ro ɗum asi hirwuy ndra.»

³ Aw Buymisemuŋ ɗu, lihiy ti slimiɗ ɗiki, giy kiita ɗu, ti gidaŋ ɗiki.

⁴ Aw Buymisemuŋ ɗu, cine diradibiɗ ɗu, jika slimiɗ ngi cine mingiɓi ngi kwala ɗu.

⁵ Asi mizli mulakay a zlikiy le ngi kiɗa vu, yo misi moˀore mifineˀ gidaŋhay, a wuɗam muc ɗu. Mizli tayna, a wulkam neˀ le ar Buymisemuŋ ta wãˀ.

⁶ Puraka, Buymisemuŋ i mijini ˀis asi ya, mizli majihikiy jah na, Bumbulvuŋ a ro avu taŋ.

⁷ Anja mendere a mbiɗi nga hirnga mizli macikiɗikiy na! Buymisemuŋ ɗu, ngizla taŋ kuɗup ti gi teŋteŋ ɗike.

⁸ I sa guw mikuli ti mevel mezleŋ, I sa zila slimiɗ ɗike Bumbulvuŋ, asi slimiɗ ɗike naŋ mezleŋ.

⁹ Buymisemuŋ a lihiy le avu bonoyoy gar, i pura mesene ɗuwoyo cum cum, hiris le.