DIMISEY 24 - Bible en langue guizigaBumbulvuŋ ara ci ng'ar hay naŋ 1 Dimis ngi wuzla dimis ngi Davitey. Hirwuy ati zlili ngi raˀahaya, waɗ mizli ngi raˀahay gar na, i ngi Bumbulvuŋ. 2 I naŋ Bumbulvuŋ muɗuva ruwuy a hirnga mubuliye, yo i naŋ maja gidaŋ gidaŋ a hirnga yama, ɓa a wus ta. 3 Masa jiɗ nga muwã ngi Bumbulvuŋ i waka? Masa cici deŋ ar li naŋ mipal na, i waka? 4 -I mbur mici ar dili ta, mbur misi mevel celelle, mavula vu naŋ da malambaˀ ta, yo anta hudum ngi gi gilaw da mbur ta ma. 5 Bumbulvuŋ a sa ɗuwulaŋ mi, yo Buymisemuŋ milih naŋ, a sa vulaŋ gi gwat mijeŋŋe. 6 Sukwi ngi mizli masipaka Bumbulvuŋ i tayna: mizli masupukuw gisiŋ gisiŋ na, sukwi ngi Zakopo, i taŋ so. 7 Miviŋhey, murɗom nga muŋ! Miviŋ madiɗa misi zlezlehey, wunam purah purah ɓa Buy madiɗa misi ti dudoko a ci! 8 Buy madiɗa misi ti dudok vuna i waka? I Bumbulvuŋ migidaŋ, miwirwir, Bumbulvuŋ miwirwir angi vurum. 9 Miviŋhey, murɗom nga muŋ! Miviŋ madiɗa misi zlezlehey, wunam purah purah! Anja buy madiɗa misi ti dudok a ci! 10 —Buy madiɗa misi ti dudok vuna i waka? -I Bumbulvuŋ misi gidaŋ wãˀ, Buy madiɗa misi ti dudoko i naŋ. |
Bible en Langue Guiziga © L’Alliance Biblique du Cameroun, 2011.
Bible Society of Cameroon