DIMISEY 20 - Bible en langue guizigaDira dibiɗ vur buy madiɗaŋ 1 Dimis ngi wuzla dimis ngi Davitey. I mulumo di ar ɗerewol ngi buy dimis. 2 Ar hin ngi bonoyo anja Bumbulvuŋ a ziluw mi, anja Bumbulvuŋ ngi Zakopo, a jiginuw ti haŋ naŋ! 3 Anja a jinuw zle tir hay naŋ, yo anja a jihuw jah zle ti Siyoŋ! 4 Anja a puyuk ti gwat ngi vul ɗike ko pal le ta, anja a hĩyã mikuli ɗik mizlam zlama! 5 Anja a vuluw gwat ka mawuɗo, yo gwat ka mawulka ngi gi gar na, anja a kiɗuw mi naŋ. 6 Dar i sa jam salalay didaɓ didaɓ ti drapo kaw kaw a haŋ, ti zila slimiɗ ngi Bumbulvuŋ, vur ka mulum bugawla na. Anja Bumbulvuŋ a guw gwat ka macufuɗaŋ gar. 7 Wurenna, i si na le muduba: Bumbulvuŋ ara vula bugawla da Mbur naŋ muwunaŋ, ara zilaŋ mi baɗ tir hay naŋ misi a muŋ, Bumbulvuŋ ara vulaŋ gidaŋ, ara gaŋ gwat madiɗa ngi lahaŋ. 8 Mizli mekelemeye, ara njaham hiri asi mota taŋ ngi vurumoy, numuŋhoyo, ara njaham hiri asi pilis taŋhay, amma ndra, i zilam di i slimiɗ ngi Bumbulvuŋ ndra Buymisemuŋ. 9 Taŋ, taŋ gidaŋ gidaŋ ta, a ndilam a ruwuy, amma ndra, i cicam dedeŋ gidaŋ gidaŋ. 10 Bumbulvuŋ, vula bugawla da buyo, ɓa tapas ndra masa zilaka buyo na, a sa zila ndra mi. |
Bible en Langue Guiziga © L’Alliance Biblique du Cameroun, 2011.
Bible Society of Cameroon