DIMISEY 149 - Bible en langue guiziga

Ɗuva hirnga ngi mizli miteŋteŋhey

¹ Haleluya, yawwa Bumbulvuŋ! Hunumaka Bumbulvuŋ ti dimis nawayaŋ. Hunumakaŋ a wuzla kus ngi mizli miteŋteŋhey.

² Israyel, mumul asi migi ɗik i naŋ, mizli Siyoŋhoy, gam muguzlum, asi i buy kum madiɗaŋ.

³ Anja a hunumakaŋ ti ɓuruku, anja a kiɗakaŋ badak waɗ garaya.

⁴ Asi Bumbulvuŋ, hiri a ciraŋ ar mizli naŋhaya, a ɗuva hirnga da mizli misi mevel mezleheye, a laha taŋ.

⁵ Anja mizli miteŋteŋhey a zluzluɓam, a gaka dudok da Buymisemuŋ! Ko ti duvuɗ kwana, anja a jakaŋ salalay!

⁶ Anja a ndiram ti hunuma Buymisemuŋ ngek avu mi, yo maslalam mazum tika tikakaw a haŋ!

⁷ Anja a pulaka cuwal taŋ avu sukwi ngi mizli mekelemey, a kutaka mizli ti bonoy,

⁸ a juwaka buy madiɗa taŋhaya ti celelu, yo a juwaka mizli micawwa taŋhaya ti ɓiri.

⁹ A gaka taŋ kiita ngi Buymisemuŋ kaɓa mutohoko ɓi naŋ. I ngi ɗuva hirnga da mizli miteŋteŋ naŋhay gar! Haleluya, yawwa Bumbulvuŋ!