DIMISEY 137 - Bible en langue guiziga

Joˀ a mi yam a Babiloŋ

¹ Ndra mujoa mi yam Babiloŋ a diga na, i ra wulkam angi Siyoŋ ti tuwuy.

² I pulaka gujuvur ndraˀahaya law law asi widisey a ˀay didik zleˀe.

³ Adiga, mizli mijam ndra ng'ar beke tuwa, a cufuɗam ndra ɓa i zlam dimisi, yo mizli maguzuvuram ndra, a wuɗam ɓa i zlaka taŋ dimis ngi mumul, a ɓam ndra: «Zlam ndra dimis ngi Siyoŋ pal takwa!»

⁴ Dimis ngi hunuma Bumbulvuŋ ma na, i zlaka a mulak mbri mbrike?

⁵ Aw Zeruzalem, da i puyuk hirnga le ti ka na, anja haŋ hazum ɗu a kiɗi…!

⁶ Da y'anta wuluk ar ka mata, da yi puruw kaɓa mumul ɗu muwãˀ i ka mata na, anja irne ɗu a ngbuˀ a balama.

⁷ Bumbulvuŋ, wuluk ar mingiɓi ngi Edomoy miɓaka tapas mitikaka Zeruzalem na, a ɓam: «Wahaka hay ngir walahay madiɗa, wahaka jom ti moholo ngirnin wãˀ!»

⁸ Naka, Babiloŋ, a sa wuhukuw hay ɗikeye talalaˀ wureˀ ani, mizli masa gam ti kakaɓa ka migi ti ndra na, taŋ ar mumul!

⁹ Mizli masa jaka ziri ɗikeye, a buɗuslaka taŋ ar mandazlay muwã na, taŋ ar mumul!