DIMISEY 123 - Bible en langue guiziga

Mizli mihina hirngahay manjaham hiri

¹ Dimis ngi zuɓa mulak nga diradibiɗ a Zeruzalem. Buymisemuŋ ɗu, ka muar li cifi ɗik a muŋ na, i ro hiri taˀ ng'avi ka.

² Haˀaw, i roko hiri taˀ ng'avi ka, Bumbulvuŋ, Buymisemuŋ ndra, ɓa ki pura ndrˀircece, kaɓa bekehey muroko hiri taˀ ngi kutuko gwat avu buy taŋhay, kaɓa ngwas migi slra, muro hiri taˀ avu buy naŋ ngwasa.

³ Ambuh Bumbulvuŋ ɗu, pura ndrˀircece, inga pura ndrˀircece takwa. Asi mizli mahirisam ndra na, a mba ndra kwacay le muduba.

⁴ Misi zlilihey masingiram ar ndra, yo mizli muhuhumo vuhoy mahirsam ndra na, kay, a mba ndra kwacay le wãˀ muduba.