DIMISEY 113 - Bible en langue guiziga

Ɓi ngi njah hiri ta, Bumbulvuŋ a tiri di ɓi ngi njah hiri

¹ Haleluya. Kum gawla ngi Bumbulvuŋhoy, hunumakaŋ, hunumaka Bumbulvuŋ ti zila slimiɗ naŋ.

² Anja mizli a gaka sise da Bumbulvuŋ, zle wurenna, hã ngi sete.

³ Zle tisi pas mabawa, hã tisi pas madiɗi, hunumaka Bumbulvuŋ ti zila slimiɗ naŋ.

⁴ Bumbulvuŋ a wa sukwi ngi mizli le gar, yo dudok naŋ, naŋ hã a duba muŋ.

⁵ Bumbulvuŋ, Buymisemuŋ ndra, mubam vu ati naŋ i waka? naŋ da joˀ hã a duba muŋ,

⁶ amma a ro puro muŋ ati hirwuyo baɗ a diga.

⁷ A slikiɗa mbur hĩhĩy muburfuk burfuk ɓaˀ a ruwuyo, mbur misi murga mufuk ar kitikile, a ɗiɗo di ng' avra,

⁸ ɓa a vulaŋ li cifi ati yarmahay, yarma ngir sukwi naŋhay.

⁹ A ɗuva hirnga da ngwas dirlaya, a vulaŋ mumul ti ziri. Haleluya!