DIMISEY 110 - Bible en langue guiziga

Buy madiɗaŋ, yo i masay ma

¹ Dimis ngi wuzla dimis ngi Davitey. Bumbulvuŋ, Buymisemuŋ a ɓa buy madiɗa ɗu ani: «Cifi joˀ tir vay hazum ɗu, ɓa mesene ɗikeye, i tiri taŋ li ɗuva sar ɗiki.»

² Anja Bumbulvuŋ a ndaha gidaŋ ngi zumabuy ɗike, ndah ndah zle a muwã Siyoŋ. Ka kwana, wa mesene ɗikey mugun hirnga ɗik na.

³ Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

⁴ Bumbulvuŋ a hudum le, naŋ anta mbiɗa mi ta, a ɓi: «Ki masay ndrehhe kaɓa Melkisedeke.»

⁵ Bumbulvuŋ naŋ da tir vay hazum ɗike. Tapas naŋ miji mevel le na, a njirsla buyoyo njirasl njirasl.

⁶ A ga kiita ngi muc da sukwi ngi mizli, hã li gar i vagay ngi mizli, asi ruwuy gar na, a njirsla buyoyo njirasl njirasl.

⁷ A jiviɗe, buy madiɗa a si yam ar zlazlar, aru hirnga kaˀ a muŋ.