ƁI NGI HIN GAR MUDUMBUŊ NAŊ 6 - Bible en langue guiziga

Tizer mekelem ngi Levi

¹ Ziri mizile ngi Levihey i ti: Gersom, Kehat waɗ Merari.

² Ziri mizile ngi Gersomoy i ti: Libini ati Simey.

³ Ziri mizile ngi Kehatay i ti: Amram, Isar, Hebroŋ waɗ Uziyel.

⁴ Ziri mizile ngi Merarihey i ti: Mali ati Musi. Dideˀ muvulaka slimiɗ taŋ ar sukwi ngi Levi na i taŋ so.

⁵ Dideˀ mikwanay ngi Gersomoy i ti: Libini mangal naŋ, Yahat mangal ngi Libini, Zima mangal ngi Yahat,

⁶ Yowa mangal ngi Zima, Ido mangal ngi Yowa, Zera mangal ngi Ido waɗ Yeˀatray mangal ngi Zera.

⁷ Dideˀ ngi Kehetay i ti: Aminadap mangal naŋ, Kore mangal ngi Aminadap, Asir mangal ngi Kore.

⁸ Elkana mangal ngi Asir, Abiyasaf mangal ngi Elkana, Asir mangal ngi Abiyasaf.

⁹ Tahat mangal ngi Asir, Uriyel mangal ngi Tahat, Oziyas mangal ngi Uriyel waɗ Sawul mangal ngi Oziyas.

¹⁰ Elkana a yi ziri mizile mekelemey le ma, i ti: Amasay ati Ahimot,

¹¹ waɗ Elkana. Dideˀ ngi Ahimotoy i ti: Elkana mangal naŋ, Sofay mangal ngi Elkana, Nahat mangal ngi Sofay,

¹² Eliyap mangal ngi Nahat, Yeroˀam mangal ngi Eliyap waɗ Elkana mangal ngi Yeroˀam.

¹³ Ziri mizile ngi Samuyeleye, i ti: modogomo i Zowel, mijingaˀ naŋ i Abiya.

¹⁴ dideˀ mikwanay ngi Merarihey i ti: Mali mangal naŋ, Libini mangal ngi Mali, Simey mangal ngi Libini, Uza mangal ngi Simey.

¹⁵ Sima mangal ngi Uza, Hagiya mangal ngi Sima waɗ Asaya mangal ngi Hagiya.

¹⁶ Ti taŋ mulumam li ɗuva akoti ngi Buymisemuŋ lum si na, Davit a vula buyɓi ngi dimise da dideˀ ngi Levihey, ɓa a zlaka ar hay ngi Bumbulvuŋ.

¹⁷ Ɓa hã Salomoŋ a sa ndira hay ngi Bumbulvuŋ tikeˀe na, naɓa mizli tayna ara gaka slra ngi zli dimise si, a zlaka a mbuŋ guɗuk ngi zlir ati Bumbulvuŋ, kaɓa ɓi micicaka taŋ jiviɗ naŋ.

¹⁸ Mizli migi slra tayna ati ziri taŋhaya, slimiɗ t'ani: muy ngi Kehatay i ti: Heman, mbur mizli dimisi, dideˀ naŋhay mijeŋŋe i ti: Zowel mangal ngi Samuyel, Samuyel mangal ngi Elkana,

¹⁹ Elkana mangal ngi Yeroˀam, Yeroˀam mangal ngi Eliyel, Eliyel mangal ngi Towa,

²⁰ Towa mangal ngi Suf, Suf mangal ngi Elkana, Elkana mangal ngi Mahat, Mahat mangal ngi Amasay,

²¹ Amasay mangal ngi Elkana, Elkana mangal ngi Zowel, Zowel mangal ngi Azariya, Azariya mangal ngi Sefaniya, t,

²² Sefaniya mangal ngi Tahat, Tahat mangal ngi Asir, Asir mangal ngi Abiyasaf, Abiyasaf mangal ngi Kore,

²³ Kore mangal ngi Isar, Isar mangal ngi Kehat, Kehat mangal ngi Levi, Levi mangal ngi Zakop.

²⁴ Misi tir vay hazum ngi Hemana, i muy naŋ Asaf. Dideˀ naŋ mijeŋŋehey i ti: Berekiya mangal ngi Sima,

²⁵ Sima mangal ngi Mikayel, Mikayel mangal ngi Baˀaseya, Baˀaseya mangal ngi Malkiya, tini,

²⁶ Malkiya mangal ngi Etini, Etini mangal ngi Zera, Zera mangal ngi Adaya,

²⁷ Adaya mangal ngi Etaŋ, Etaŋ mangal ngi Zima, Zima mangal ngi Simey,

²⁸ Simey mangal ngi Yahat, Yahat mangal ngi Gersom, yo Gersom kwana i mangal ngi Levi.

²⁹ Mizli dimis ngir sukwi ngi Merariheye, taŋ dedeŋ tir gula ngi Heman. Mazla taŋ dimise i Etaŋ, dideˀ naŋ mijeŋŋehey i ti: Kisi mangal ngi Abidi, Abidi mangal ngi Maluk,

³⁰ Maluk mangal ngi Hasabiya, Hasabiya mangal ngi Amasiya, Amasiya mangal ngi Hilkiya,

³¹ Hilkiya mangal ngi Amsi, Amsi mangal ngi Bani, Bani mangal ngi Semer,

³² Semer mangal ngi Mali, Mali mangal ngi Musi, Musi mangal ngi Merari, Merari mangal ngi Levi.

³³ Mizli mekelemey ngir sukwi ngi Levi, slrahay gar misi ar hay ngi Buymisemuŋ na, magaka i taŋ.

³⁴ Aroŋ ati ziri naŋhaya, slra nga taŋ i zluma ginewey ar li gi mikuli waɗ wura urdi ar li nga naŋ ya. Gwat ngi gi ar li mipal wãˀ na, magaka i taŋ. Magaka mezegwel ngi puya mungra ngi Israyeley i taŋ ma, a gaka kasl kasl kaɓa Moyis, gawla ngi Buymisemuŋ miɓa taŋ di ɗaˀ le na.

³⁵ Slimiɗ ngi dideˀ mijeŋŋe ngi Aroŋhoy ani: Aroŋ a yi Elazar, Elazar kwana a yi Pinas, Pinas a yi Abisuwa,

³⁶ Abisuwa kwana a yi Buki, Buki a yi Uzi, Uzi kwana a yi Zeraya,

³⁷ Zeraya a yi Merayot, Merayot a yi Amariya, Amariya a yi Ahitup,

³⁸ Ahitup a yi Sadok, Sadoko kwana, a yi Ahimaˀas.

Walahay muvula taŋ le da Tizer ngi Levihey

³⁹ Dideˀ ngi Aroŋhoy, muy ngi Kehataya, mulumam hirwuy dumbuŋ ti ceregezleŋ i taŋ. Li taŋ mipam ar taŋ t'ani:

⁴⁰ Walahay Hebroŋ, hirwuy Zuda, jom ti li jigina ginew ngi ciki naŋhaya.

⁴¹ Amma guvahay ati walahay prok naŋhaya, a vulaka taŋ le zleˀe da Kalep mangal ngi Yefune si.

⁴² Walahayay muvulaka taŋ da dideˀ ngi Aroŋhoy ngi ɗum ar t'ani: Hebroŋ, Libina ati li jigina ginew ngi ciki naŋhaya, Yatir, Ektemowa ati li jigina ginew ngi ciki naŋhaya,

⁴³ Hileŋ ati li jigina ginew ngi ciki naŋhaya,

⁴⁴ Hasan ati li jigina ginew ngi ciki naŋhaya, Bet-Hesek ati li jigina ginew ngi ciki naŋhaya.

⁴⁵ Yo angi sukwi ngi Benjameŋ kwana, a vulaka taŋ walahay Geba, Alemet, Anatot. A vulaka taŋ jom gar, walahay kuruˀ nga makir, jom ti li jigina ginewey misi a ciki taŋhaya.

⁴⁶ Ziri mizile mekelemey ngi Kehataya, vur dideˀ vur dideˀ taŋhaya, a lumam walahay kuruˀ ti ceregezleŋ, i walahay ngi ruwuy Efrayim, ngi Daŋ waɗ ngi reta ngi muy ngi Manasehey misi tisi pas ngi pastaˀ na.

⁴⁷ Ziri mizile ngi Gersomoyo vur dideˀ vur dideˀ taŋhaya, a lumam walahay kuruˀ nga makir, angi sukwi Isakar, ngi Aser, ngi Neftali waɗ ngi reta ngi sukwi ngi Manase mipam a Basaŋ.

⁴⁸ Ziri mizile ngi Merariheye, vur dideˀ vur dideˀ taŋhaya, a lumam walahay kuruˀ nga cuw angi sukwi ngi Ruben, ngi Gat waɗ ngi Zabuloŋ.

⁴⁹ Israyeley a vulaka walahay tayna, jom ti li jigina ginew taŋhaya da dideˀ ngi Levihey.

⁵⁰ Yo walahayay misi angi hirwuy ngi sukwi ngi Zuda, ngi Simeyoŋ waɗ ngi Benjameŋ, mizilaka slimiɗ taŋhay ani na, a vulaka taŋ di le ti ceregezleŋ.

⁵¹ Ziri ngi Kehataya, dideˀ naŋ mekelemeye, walahay ɓa a pam ar taŋ na, a lumam nga taŋ angi hirwuy ngi sukwi Efrayim:

⁵² a vulaka taŋ walahay ngi ɗumo, i Sikem misi tir vay muwã Efrayim, jom ti li jigina ginew naŋhaya, Gezer jom ti li jigina ginew naŋhaya,

⁵³ Yokmeˀam jom ti li jigina ginew naŋhaya, Bet-Horoŋ jom ti li jigina ginew naŋhaya.

⁵⁴ Ayaloŋ jom ti li jigina ginew naŋhaya. Gat-Rimoŋ jom ti li jigina ginew naŋhaya.

⁵⁵ Yo angi reta ngi sukwi ngi Manase, a lumam hirwuy Ener, Bileˀam jom ti li jigina ginew taŋhaya. A vulaka hirwuy tayna cek da ziri mekelem ngi Kehatay.

⁵⁶ Ziri mizile ngi Gersomoyo vur dideˀ vur dideˀ taŋhaya, a lumam hirwuyo angi reta ngi sukwi ngi Manase, i Golaŋ ngi ruwuy Basaŋ waɗ Asetarot, jom ti li jigina ginew taŋhaya.

⁵⁷ Angi hirwuy ngi Isakara, a lumam Kedes, Dabrat ati li jigina ginew taŋhaya,

⁵⁸ Ramot, Anem ati li jigina ginew taŋhaya.

⁵⁹ Angi hirwuy ngi Aser, a lumam Masal, Abudoŋ, jom ti li jigina ginew taŋhaya,

⁶⁰ Hukok, Rehop, jom ti li jigina ginew taŋhaya.

⁶¹ Angi sukwi ngi Neftali, a lumam hirwuy Keɗes a Galile, Hamoŋ waɗ Kiriyatayim, jom ti li jigina ginew taŋhaya.

⁶² Ziri mekelem ngi Merariheye, angi hirwuy ngi sukwi ngi Zabuloŋ, a vulaka taŋ Rimoni waɗ Tabor jom ti li jigina ginew taŋhaya.

⁶³ Angi sukwi ngi Ruben, tisi pas ngi miprik ngi dubazaw Zurdeŋ, migweˀ avu Zeriko, a vulaka taŋ Beker, mikini ngir ti wuzlaɓuh mikirɗak kirɗaka, jom ti li jigina ginew taŋhaya, Yahas jom ti li jigina ginew naŋhaya,

⁶⁴ Kedemot, Mefaˀat, jom ti li jigina ginew taŋhaya.

⁶⁵ Angi sukwi ngi Gata, a vulaka taŋ Ramot ngi ruwuy Galaˀat waɗ Mahanayim, jom ti li jigina ginew taŋhaya.

⁶⁶ Heseboŋ, Yazer jom ti li jigina ginew taŋhaya.