ƁI NGI HIN GAR MUDUMBUŊ NAŊ 4 - Bible en langue guiziga

Slimiɗ ngi tizer mekelem ngi Zudah

¹ Dideˀ ngi Zudahay i ti: Peres, Hesroŋ, Karmi, Hur waɗ Sobal.

² Rehaya mangal ngi Sobala, a yi Yahat, Yahata kwana, a yi Ahumay ati Lahaɗ. Hanayna i dideˀ misintiwaka ngi Sorahay.

³ Mipaka hirwuy Etama i ti: Zizreyel, Isema waɗ Idibak. Sukum taŋ mongoso a zilaka Haslelponi.

⁴ Penuwel mipa hirwuy Gedor, yo Ezer mipa hirwuy Husa, i ziri mizile ngi Huroy, Hur, mangal modogom ngi Efrata, mbur mipa Betelyem.

⁵ Asehur, mbur mipa hirwuy Tekwa, a ɗuv ngwasaya cuw: Hela ati Naˀara.

⁶ Naˀara a yaŋ ziri mizilehey mufaɗa, i ti: Ahuzam, Hefer, Temni waɗ Ahasetari.

⁷ Hela a yaŋ ziri mizilehey makir, i ti: Seret, Sohar waɗ Etinaŋ.

⁸ Kos i cine ngi Anup ati Sobeba. I dideˀ misintiwaka ngi Aharehel, mangal ngi Harum.

⁹ A wuzla sukum naŋhaya, a wuɗam ɓi ngi Yabese haɗa. Mumuŋ a caŋ slimiɗe Yabes na, a mbiɗeˀvra: ‹I ya ti tuwaˀa.›

¹⁰ Yabes a dir dibiɗ ani: «Buymisemuŋ ngi Israyel, ɗuwuliy mi, ska hirwuy ɗu, jiy kaw a haŋ ɗiki, ɓula hiryi ati bonoyo kileŋ avu ya!» Dar Buymisemuŋ a gaŋ gwat naŋ mucufuɗa tuwa.

¹¹ Kelup sukum ngi Suwa, a yi Mehir, Mehire kwana i cine ngi Esetoŋ.

¹² Esetoŋ a yi Bet-Rafa, Paseya waɗ Tehina. Mipa walahay Nahas i Tehina vuna, taŋ i mizli Rekahay.

¹³ Ziri ngi Genasay i ti: Otniyel waɗ Seraya. Ziri ngi Otniyeley i ti: Hatat waɗ Meyonatay.

¹⁴ Meyonatay a yi Ofra. Seraya a yi Yoˀap, i dideˀ ngi miɗiya gwatay, a pam ar sozo ngi misina ɗiya gwatay.

¹⁵ Kalep, mangal ngi Yefune, a yi ziri mizilehey makir, i ti: Iru, Ela waɗ Naˀam. Ela i cine ngi Kenas.

¹⁶ Ziri mizile ngi Lehaleleley, i ti: Zif, Zifa, Tiriya waɗ Asarel.

^17-18 Ziri mizile ngi Esrahay, i ti: Yeter, Mereɗ, Efer waɗ Yaloŋ. Mereɗ a ɗuv zuŋ ngi buy Ezipte, a zilaka Bitiya, a yaŋ Miriyam, Samay waɗ Iseba mipa hirwuy Estemoa. Mereɗe kwana, ngwas naŋ ada ya, i zuŋ Yude, a yaŋ Yereɗ mipa hirwuy Gedor, Heber mipa hirwuy Soko, waɗ Yekutiyel mipa hirwuy Zanoˀa.

¹⁹ Hodiya a zuɓ ngwasa, i sukum ngi Naham, cine ngi Keyla mbur Garmi, waɗ Estemoa mbur Maˀakati.

²⁰ Ziri mizile ngi Simoŋhoy i ti: Amnoŋ, Rina, Ben-Hanaŋ waɗ Tiloŋ. Tizer ngi Yiseye, i ti: Zohet ati mangal naŋ.

²¹ Sela, mangal ngi Zuda, dideˀ naŋhay ani: Er mipa hirwuy Leka, Lada mipa hirwuy Maresa, waɗ muy ngi mizli miji gabaga ti gugumay mukuluf kulufoy mipam a Bet-Asebeya.

²² Sela kwana i dideˀ ngi Yokim, mipam a Kozeba, a Yohas waɗ a Saraf. A zuɓam ngi ngwasa i ziri Moˀapay, a dirba nah, a mam, ara pam a Lehem. Gwat tayna, a gam diga zlezle.

²³ I mindira gwatay, a pam a Netayim waɗ a Gedera. Adiga, taŋ a ciki buy, a gam gawla naŋ.

Tizer ngi Simeyoŋ

²⁴ Ziri mizile ngi Simeyoŋhoy i ti: Nemuyel, Yamin, Yarip, Zera waɗ Sawul.

²⁵ Mikwanay ngi Sawulo i Salum, Mibisam waɗ Misema.

²⁶ Mikwanay ngi Misema kwana i Hamuyel, Zakur waɗ Simey.

²⁷ Simey a yi ziri mizilehey kuruˀ nga merkeɗ waɗ mongosohoy merkeɗ, amma sukum naŋhaya a yam haɗa ta. Muy ngir sukwi ngi Simeyoŋhoy a ndilaka muy ngi Zuda ta na, vurˀe.

²⁸ A pam ar walahay Berseba, Molada, Hasar-Suwal,

²⁹ Bila, Esem, Tolat,

³⁰ Betuwel, Horma, Siklak,

³¹ Bet-Markabot, Hasar-Susim, Bet-Biri waɗ Sarayim. Hanayna i walahay madiɗa taŋhay, hã a ndila Davit muzum buy.

³² A cifam ar walahay madiɗa madiɗa mekelemey zlum ma: a Etam, a ayin, a Rimoŋ, a Token waɗ a Asaŋ.

³³ Yo waɗ ar prok taŋhaya gara ma, hã sesẽŋ a Baˀalat. Li taŋ mipam anga anga i tayna so. Slimiɗ ngi mizli ngi hay taŋhaya, a tohoko taŋ le ar ɗerewol madiɗa ngi toho slimiɗeye.

³⁴ I ti: Mesobap, Yamelek, Yosa mangal ngi Amasiya,

³⁵ Zowel, Yehu mangal ngi Yosibiya, Yosibiya i mangal ngi Seraya, yo i dideˀ meciɗek ngi Asiyel,

³⁶ Eliyohenay, Yakoba, Yesohaya, Asaya, Adiyel, Yesimiyel, Benaya waɗ

³⁷ Ziza, mangal ngi Sifey, yo i dideˀ meciɗek ngi Aloŋ, Aloŋ vuna i dideˀ ngi Yedaya, ngi Simri ati Semaya.

³⁸ Mizli mizilaka slimiɗ taŋhay ani na i buyoy a wuzla muy taŋhaya, mizli ngi hay taŋhay a yam haɗi.

³⁹ A waham ɓaˀ li, hã a ndilam sesẽŋ a Gedor, tisi pas ngi miprik ngi sozo, ngi sipa gwat ngi zum da ginew taŋhay.

⁴⁰ A lumam li zum mezle da ginew taŋhay a diga, li mufuk fuk, yo a cifam jam jam, a pulam vu. Mipam zleˀe a diga i dideˀ ngi Kamay.

⁴¹ Naŋ kine, ar vi ngi Ezekiyas, buy ngi Zuda na, buyoy mizilaka slimiɗ taŋhay wurenna, a ndiloko, a mbizlaka guɗukoy ati mazlaɓ ngi dideˀ ngi Kamaya, waɗ a ngizlaka mizli pay wãˀ, wurenna wus ngi gwat taŋ neˀ anta a diga mata. A dirba nah, taŋ a pam ar li taŋ, asi giziŋ ngi zum da ginew taŋhay ada a diga.

⁴² Ziri mizile ngi Simeyoŋhoyo cah, a ram ngir ti vay muwã ngi Edom, taŋ mizli skat skat zlum. Mikaka taŋ mbuŋ i ziri ngi Seˀirey mufaɗa: Pelatiya, Neyariya, Refaya waɗ Uziyel.

⁴³ Mizli Amalekey milaham zleˀe, mira pam a diga na, a kiɗaka taŋ vagay vagay. Dar taŋ a pam ar li taŋ, hã dana aruŋ.