ƁI NGI HIN GAR MUDUMBUŊ NAŊ 24 - Bible en langue guiziga

Ngay ngi masayay

¹ A ngicaka ziri ngi Aroŋhoyo le ti ngay ti ngay. Ziri mizile ngi Aroŋhoyo mufaɗa, i ti: Nadap, Abihu, Elazar, waɗ Itamar.

² Nadap ati Abihu a micam dumbuŋ ar cine taŋ, manja a yam. Dar a vulaka slra ngi gi mikuli da Eliyazar ati Itamar tewle.

³ A dirba nah, Sadok mangal ngi Elizar waɗ Ahimelek mangal ngi Itamara, a jinaka Davite, a wunkaka masayaya ti ngay ti ngay, avu slra ngi mburo ngi mburo.

⁴ A praka keɗ keɗ na, dideˀ ngi Elazaraya taŋ haɗi a funaka ngi Itamaraya le. Vurˀe, a cifam buy asi muy ngi Elazaraya taˀtaˀ kuruˀ nga merkeɗ, yo a wuzla muy ngi Itamraya taˀtaˀ dangafaɗ.

⁵ A wunkaka taŋ ti cergizleŋ, asi a wuzla ziri ngi Elazaray ati ngi Itamaraya, yarma migi slra ngir li muvuku vu taŋ ada, yo migi slra ngi Buymisemuŋhoy ada.

⁶ Semaya mbur mutoho gwat, mangal ngi Natanayel, ngir sukwi ngi Levi, a toho slimiɗ taŋ a mihiri ngi buy madiɗaŋ, ngi yarmahay, ngi Sadok ati Ahimelek masayay, yo a mihiri ngi buy ngi wuzla muyoy ati levihey. Asi muy ngi Elazaraya, a zuɓam ti ceregizleŋ is cuw, asi ngi Itamaraya is pal.

⁷ Ceregezleŋ mudumbuŋ a diɗ ar Yoyarip, mucuw naŋ ar Yedaya,

⁸ mimakir naŋ ar Harim, mumufaɗ naŋ ar Seworim,

⁹ muzlum naŋ ar Malkiya, mimerkeɗ naŋ ar Miyamin,

¹⁰ mitarnaˀ naŋ ar Hakos, midangafaɗ naŋ ar Abiya,

¹¹ mungoltir naŋ ar Yesuwa, mukuruˀ naŋ ar Sekaniya,

¹² mukuruˀ ngaŋ kaˀ naŋ ar Eliyasip, mukuruˀ nga cuw naŋ ar Yakim,

¹³ mukuruˀ nga makir naŋ ar Hupa, mukuruˀ nga mufaɗ naŋ ar Yesebap,

¹⁴ mukuruˀ nga zlum naŋ ar Bilga, mukuruˀ nga merkeɗ naŋ ar Imer,

¹⁵ mukuruˀ nga tarnaˀ naŋ ar Heziri, mukuruˀ nga dangafaɗ naŋ ar Hapise,

¹⁶ mukuruˀ nga ngoltir naŋ ar Petahiya, mizli ngir cuw naŋ ar Ezekiyel,

¹⁷ mizli ngir cuw ngaŋ kaˀ naŋ ar Yakiŋ, mizli ngir cuw nga cuw naŋ ar Gamul,

¹⁸ mizli ngir cuw nga makir naŋ ar Delaya, mizli ngir cuw nga mufaɗ naŋ ar Maˀaziya.

¹⁹ A wunkaka taŋ ngi ci ng'ar hay ngi Bumbulvuŋ ar slra taŋhay kahana so. A gaka slra taŋ kaɓa dideˀ taŋ Aroŋ mupula taŋ jiviɗ naŋ. Aroŋ kwana, a lumo di avu Bumbulvuŋ Buymisemuŋ ngi Israyel.

Slimiɗ ngi Levihey mutoho mekelem

²⁰ Buyoy a wuzla muy ngi Levihey, mindiram i ti: Asi dideˀ ngi Amramay i Subaˀel, a wuzla ziri ngi Subaˀeley i Yediya.

²¹ A wuzla dideˀ ngi Rehabiyahay, buyo i Isiya.

²² A wuzla dideˀ ngi Isaray i Selomot, a wuzla dideˀ ngi Selomotoy i Yahat,

²³ A wuzla ziri ngi Hebroŋhoy, mudumbuŋ i Yeriya, mijingaˀ naŋ i Amariya, mimakir taŋ i Yaziyel, waɗ mumufaɗ taŋ i Yekamam.

²⁴ A wuzla ziri ngi Uziyeley i Mika, a wuzla ziri ngi Mikahay i Samir.

²⁵ Isiya sukum ngi Mika, a wuzla ziri naŋhay i Zakari.

²⁶ A wuzla ziri ngi Merarihey i ti Mali, Musi waɗ Yaziya.

²⁷ Dideˀ ngi Merarihey muboko tivi mangal naŋ Yaziya i ti Soham, Zakur waɗ Ibri.

²⁸ Mangal ngi Mali i Elazar, Elazar a yi mizile ta.

²⁹ Kise, mangal naŋ purla, i Yerameˀel.

³⁰ Ziri mizile ngi Musihey i ti Mali, Eder waɗ Yerimot. Dideˀ ngi Levihey vur hay vur hay i taŋ so.

³¹ Taŋ kwana, ɓa a gam slra ti jiviɗ naŋ na, a gam cergizleŋ kaɓa sukum taŋ ziri ngi Aroŋhoy na ya. A gaka cergizleŋ a mihiri ngi buy Davit, ngi Sadok, ngi Ahimelek, ngi buy ngi wuzla muyoy magam mikuli waɗ a mihiri ngi Levihey. Hay ngi sukum taŋ madiɗahaya, a gam taŋ rak rak ati hay ngi sukum taŋ memeɗeheye.