Tituis 3 - An Bíobla Naoṁṫa 1817 (Bedell)

Caibidil III Feíle Dé, agus deaġ oibriġe do ċur a gcuiṁne; 9 aċd ní híad ceasda éigcéilliḋe.

¹ Cuir a gcuiṁne ḋóiḃ ḃeiṫ úṁal duaċdaránaċduiḃ agus do ċúṁaċduiḃ, urruim do ṫaḃairt úaṫa úṁaḋ dá ḃeiṫ ullaṁ ċum gaċ uile ḋeaġoibre ṁaóriḃ,

² Gan neaċ ar biṫ do ṁasluġaḋ, gan ḃeiṫ brúiġneaċ, aċd suáiṁneaċ, ag táisbéunaḋ na huile ċeannsaċda do na huile ḋáoiniḃ.

³ Oír do ḃamairne féin ar úairiḃ éigcéilliḋe, easúṁal, ag dul ar seaċrán, ag leanṁuin dainmíanuiḃ agus danntoiliḃ eugsáṁla, ag caiṫeaṁ ar mbeaṫa a miosguis agus a dtnúṫ, fúaṫṁar, agus ag fúaṫuġaḋ a ċeilé.

⁴ Aċd an tan do ṡoillsiġ féile agus gráḋ Dé ar Slánaiġṫeóra do ḋáoiniḃ,

⁵ Ní do réir na noibriġṫeaḋ ḃfiréunnda do rinneamairne, aċd do réir a ṫrócaire féin do ṡáor sé sinn, tré ionnlaḋ na haiṫġineaṁna, agus tré aṫnúaḋuġaḋ an Spiorad Náoiṁ;

⁶ Do ḋóirt sé oruinn go saiḋḃir tré Iósa Críosd ar Slanuiġṫeoir.

⁷ Ionnus ar mbeiṫ ḋúinn air ar sáoraḋ tré na ġrásuiḃsion, go ndeuntáoi oiġreaḋa ḋínn do réir ṁuiniġne na beaṫa marṫannuiġe.

⁸ As fírinneaċ an ráḋ so, agus is áill leam ṫú ḋeiṁniuġaḋ na neiṫeansa, ionnus go mbíaḋ an dream do ċreid do Ḋía ro ḋíṫċiollaċ a ndéaġoibriġiḃ do ḋéunaṁ. As íad so na neiṫe ṫéid a sóċar agus a dtarḃa do ḋáoiniḃ.

⁹ Aċd toirmisg ceasda éigcéilliḋe, agus seanċuis, agus connsbóid, agus imreasana a dtimċioll an reaċda; óir atáid síad gan tarḃa gan éifeaċd.

¹⁰ An tí atá na eiriceaċ tair éis fógra no ḋó ṫaḃairt dó seaċuin é;

¹¹ Ar mbeíṫ a ḟeasa agad go ḃfuil a ṡaṁuil sin do neaċ ar ndul fá ċéile, agus go bpeacuiġeann sé, ar mbeiṫ ḋó damnuiġṫe úaḋ féín.

¹² An tan ċuirfeas mé Artemas ċugad, nó Tiċicus, déun deiṫeas ré ṫeaċd ċugam go Nicopolis: óir is ann sin do ċuir mé roṁan an geiṁreaḋ ċaiṫeaṁ.

¹³ Seól uáid go dúṫraċdaċ sa tslíġe Sénas an fear dliġe agus Apollos, ar ġléus náċ mbiáiḋ uireasḃuiḋ éinneiṫe orrṫa.

¹⁴ Agus déunuid an dream as dínne mar an gcéudna fóġluim ar ḋeaġoibriġiḃ do ḋéunaṁ ċum na ngnáhuiġṫeaḋ riaċdanaċ, ionnus naċ beídis neaṁṫoruiḋeaċ.

¹⁵ Cuirid a ḃfuil um ḟoċairse uile a mbeannaċd ċugad. Teann riot an ṁéid ġráḋuiġeas sinne sa gcreideaṁ. Grása maille riḃ uile. Amen.