Taisbeunaḋ 9 - An Bíobla Naoṁṫa 1817 (Bedell)

Caibidil IX Tuille doġrainn tar óis séideaḋ an 5 agus an 6 sduic.

¹ Agus do ṡéid an cúigeaḋ aingeal a sdoc, agus do ċonnairc mé réult ag tuitim ó neaṁ ċum na talṁan: agus tugaḋ ḋó eoċair an ṗuill duḃaigéin.

² Agus do ḟosguil sé an poll duḃaigéin; agus do éiriḋ deataċ as an bpoll, aṁuil as úaṁuiġ ṁóir ṫeineaḋ; agus do rinneaḋ an ġrían agus an taiéur dorċa ó ḋeatuiġ an ṗuill.

³ Agus tangadar lócusduiġe amaċ as an deatuiġ ar an dtalaṁ: agus tugaḋ cúṁaċda ḋóiḃ, do réir na gcúṁaċd atá ag airhreaċuiḃ niṁe na talṁan.

⁴ Agus a duḃraḋ ríu, Gan doċar do ḋéunaṁ dféur na talṁan, na do ní glas ar biṫ, ná do ċrann ar biṫ; aċd do na daóiniḃ aṁáin ag naċ ḃfuil séula Dé a gcláruiḃ a néudan.

⁵ Agus tugaḋ ḋóiḃ gan a marḃaḋ, aċd ḃeiṫ ḋá bpíanaḋ feaḋ ċúig míos: agus a bpían do ḃeiṫ mar ṗéin aiṫir niṁe, an tan ċailgeas sí duine.

⁶ Agus ann sna laeṫiḃ sin béid daóine ag íarruiḋ báis, agus ní ḃfuiġid é; agus buḋ mían ríu bás dfaġáil, agus teiṫfiḋ an bás úaṫa.

⁷ Agus bá cosṁuil faicsin na bpíasd sin ré heaċuiḃ ullaṁ ċum caṫa; agus ar a gceannuiḃ mar do ḃiaḋ corónaċa cosṁuil ré hór, agus a naiġṫe cosṁuil ré haiġṫiḃ daóine.

⁸ Agus do ḃí grúag orrṫa cosṁuil ré gruáig ḃan, agus bá cosnhuil a ḃfiacla ré fiacluiḃ leoṁan.

⁹ Agus do ḃádar lúireaċa orrṫa, cosṁuil ré lúireaċuiḃ íaruinn; agus fuáim a sgiaṫán cosṁuil ré fuáim carbad iomad eaċ ag ríoṫ a gceann ċaṫa.

¹⁰ Agus do ḃádar earbuil orrṫa cosṁuil ré haiṫréaċuíḃ niṁe, agus do ḃí cailg ann a nearbluíḃ: agus a sé bá cúṁaċda ḋóiḃ ḃeiṫ ag gortuġaḋ ḋáoineaḋ feaḋ ċúig míos.

¹¹ Agus do ḃí rí aca ós a gcionn, aingeal an duḃaigéin, dárob ainm a Neaḃrais, Abaddon, agus a Ngréigis a sé is ainm ḋó Apollion.

¹² Do ċuáiḋ áon truáiġe aṁáin ṫoruinn; agus, féuċ, atá ḋá ṫruáiġe fós ċum teaċda na ḋiáiġ so.

¹³ Agus do ṡéid an seiseaḋ aingeal a sdoc, agus do ċúaluiḋ mé gúṫ áiriġe ó ċeiṫre haḋarcuiḃ na haltóra órrġa noċ atá a ḃfiaḋnuise Dé,

¹⁴ Ag ráḋ ris an seiseaḋ aingeal agá raiḃ an sdoc, Sgaóil na ceiṫre haingil noċ atá ceanguilte ag a naḃuinn ṁóir Euṗrátes.

¹⁵ Agus do sgaoileaḋ na ceiṫre haingil, noċ do ḃí ullaṁ dúair, agus do ló, agus do ṁí, agus do blíaḋain, ċum an treas coda do na daóiniḃ do ṁarḃaḋ.

¹⁶ Agus a sé uiḃir an ṁarcṡluaiġ ḋá ċéud mile do ṁiltiḃ: óir do ċúaluiḋ mé a nuiḃir.

¹⁷ Agus as áṁluiḋ so do ċonnairc mé na heíċ a dtaíḃse, agus an luċd do ḃí ar a muin, umá raḃadar lúireaċa tinntiġe, agus ar ḋaṫ na híacinṫ, agus na ruiḃe: agus bá cosṁuil cinn na neaċ ré ceannuiḃ leoṁan; agus táinic teine agus deataċ agus ruiḃ as a mbéuluiḃ amaċ.

¹⁸ As ris na trí pláiġiḃse do marḃaḋ an treas cuid do na daóiniḃ, ris an dteíne, agus ris a ndeatuiġ, agus ris an ruiḃ ṫáinic, as a mbéuluiḃ amaċ.

¹⁹ Oír is ann a mbéul atá a gcúṁaċda, agus ann a nearbluiḃ: oír is cosṁuil a nearbuill ré haiṫreaċuiḃ níṁe, agus atáid cinn ar na hearbluiḃsin, ré a ndéunuid dóċar.

²⁰ Agus an ċuid do na daóiniḃ do fágḃaḋ gan ṁarḃaḋ ris na pláiġiḃse ni ḋearnadar aiṫriġe ar son oibreaċa a láṁ, ionnus naċ déunaidís seirḃís do ḋeaṁnuiḃ, agus dioḋaluiḃ óir, agus áirgid, agus ṗráis, agus ċloiċe, agus ċroinn, ris naċ éidir aṁarc, ná éisdeaċd, ná siuḃal:

²¹ Agus ní ḋearnadar aiṫriġe ar son a ndúnṁarḃṫa, ná ar son a bpiséog, ná ar son a sdríopaċais, ná ar son a ngaduiġeaċda.