Taisbeunaḋ 6 - An Bíobla Naoṁṫa 1817 (Bedell)

Caibidil VI O leaḃair an Uain, osguilte uaiḋ féin aṁain, orduiġtear breiṫeaṁnus Dé do ċur a ccriċ, a bfeaḋ ṁaireas an sáoġal.

¹ Do ċonnairc mé an tan do ḋosguil an Túan an ċéid séula do na séuluiġiḃ, agus do ċúaluiḋ mé beaṫaċ do na ceiṫre beaṫuiġiḃ ag ráḋ, mar ḟúaim tóirrniġe, Gaḃ a leiṫ agus féuċ.

² Agus do ḟéuċ mé, agus féuċ eaċ bán: agus an tí do ṡuiġ air, do ḃí bóġa aige; agus tugaḋ coróin dó: agus do ċuáiġ sé amaċ maille ré buáiḋ, agus ċum buáiḋe do ḃreiṫ ḋó.

³ Agus an tan do ḟosguil sé an dar séula, do ċúaluiḋ mé an dara beaṫaċ ag ráḋ, Gaḃ a leiṫ agus féuċ.

⁴ Agus do ċuáiḋ eaċ eile rúaḋ amaċ: agus tugaḋ cúṁaċda don té do ḃí na ṡuiḋe air, síoṫċáin na talṁan do ḃreiṫ ris, ionnus go dtiuḃraḋ orrṫa a ċéile ṁarḃaḋ: agus tugaḋ ḋó cloiġeaṁ mór.

⁵ Agus an tan do ḟosguil sé an treas séula, do ċúaluiḋ mé an treas beaṫaċ ag ráḋ, Gaḃ a leiṫ agus féuċ. Agus do ḟéuċ mé, agus féuċ eaċ dúḃ; agus an té do ḃí na ṡuiġe air do ḃí meaḋ aige na láiṁ.

⁶ Agus do ċúaluiḋ mé gúṫ a meaḋón na gceiṫre mbeaṫaċ ag ráḋ, Miosúr cruiṫneaċda air ṗíġin, agus trí miosúir éorna ar ṗíġinn; agus ná mill an ola ná an fíon.

⁷ Agus an tan do ḟosguil sé an ceaṫraṁaḋ séula, do ċúala me gúṫ an ċeaṫraṁaḋ beaṫuiġ ag ráḋ, Gaḃ a leiṫ agus féuċ.

⁸ Agus do ḟéuċ mé, agus féuċ eaċ glasḃán: agus a sé don ainm don tí do ḃí na ṡuiḋe air an Bás, agus do lean ifrionn e. Agus tugaḋ cúṁaċda ḋóiḃ ar an gceaṫraṁaḋ cuid don talaṁ, a marḃaḋ ré cloiḋeaṁ, agus ré gorta, agus ré bás, agus ré hainṁinntiḃ állta na talṁan.

⁹ Agus an tan do ḟosguil sé an cúigeaḋ séula, do ċonnairc mé faói a naltóir anmanna na druinge do marḃaḋ ar son ḃréiṫre Dé, agus ar son na fíaḋnuise do ċosnadar:

¹⁰ Agus do éiġeadar go ġúṫ ard, ag ráḋ, Cá fad ḃías tú, a Ṫiġearna, náoṁṫa ḟírinniġ, gan breiṫeaṁnus do ḃreiṫ agus dioġaltus do ḋéunaṁ ar son ar ḃfolainne ar an druing áitiġeas ar an dtalaṁ?

¹¹ Agus tugaḋ dá gaċ áon díoḃ fó leiṫ róbuiḋe fada gléiġeala; agus a duḃraḋ ríu, sgur ar feaḋ tamuill ḃig, nó go mbeiṫ uiḃir a gcoiṁṡearḃḟoġantuiġeaḋ agus a ndearḃraiṫreaċ ar na ċoiṁlíonaḋ, noċ do ḃí ré haġuiḋ a marḃṫa mar íadsan.

¹² Agus do ḟéuċ mé an tan do ḟosguil sé an seiseaḋ séula, agus, féuċ, do ċríoṫnuiġ an talaṁ go mór; agus do rinneaḋ an ġrían cóṁḋorċa ré héudaċ róin, agus do rinneaḋ an ġealaċ uile cósṁuil ré fuil;

¹³ Agus do ṫuiteadar réulta neiṁe ċum na talṁan, aṁuil ṫeilgeas an crann fige a húḃla anabuiḋ, an tan ḃogṫar í ré gaóiṫ ṫréin.

¹⁴ Agus do imṫiġ neaṁ ṫoruinn mar leaḃrán ḟilltear ar a ċéile; agus do haṫruiġeaḋ gaċ slíaḃ agus gaċ oiléun as a nionaduiḃ féin.

¹⁵ Agus do ḟoluiġeadar ríġṫe na talṁan, agus na daóine móra, agus na daóine saiḋḃre, agus na hárdċaiptíniġe, agus na daóine cúṁaċdaċ, agus gaċ searḃḟoġantuiġe, agus gaċ duine sáor, íad féin a dtuinṫiġiḃ agus a measg ċarrag na sléiḃteaḋ;

¹⁶ Agus a dúḃradar ris na sléiḃtiḃ agus ris na cairrgiḃ, Tuitiḃ oruinn, agus folċuiḋ sinn ó ġnúis an tí atá na ṡuiḋe sa gcaṫaóir, agus ó ḟeirg a Nuáin:

¹⁷ Oír táinic lá mór a ḟeirge; agus cía ḟédus seasaṁ?