Taisbeunaḋ 16 - An Bíobla Naoṁṫa 1817 (Bedell)

Caibidil XVI Do ḋóirteaḋ soiṫiġe feirg Dé, ar ḋúṫuiġiḃ na nioḋal fada ó ṡin.

¹ Agus do ċúala mé gúṫ árd as an dteampoll ag ráḋ ris na seaċd naingliḃ, Imṫiġiḋ roṁuiḃ, agus dóirtiġe soiṫiġe ḟeirge Dé ar an dtalaṁ.

² Agus do imṫiġ an ċéudaingeal roiṁe, agus do ḋóirt sé a ṡoiṫeaċ ar an dtalaṁ; agus do éiriḋ droċ neasgóid niṁneaċ don druing ar a raiḃ cóṁarṫa a nainṁiḋe, agus don luċd do onóruiġ a ioṁáiġ.

³ Agus do ḋoirt an dara haingeal a ṡoiṫeaċ fan ḃfairrge; agus tárrla ḋi ḃeiṫ mar ḟuil ḋuine ṁairḃ; agus fuáir a nuile ḃeaṫaċ sa ḃfairrge bás.

⁴ Agus do ḋóirt an treas aingeal a ṡoiṫeaċ sna haiḃniḃ agus sna tiubruidiḃ fíoruisge; agus do rinneaḋ fuil dioḃ.

⁵ Agus do ċúala mé aingeal na nuisgeaḋ ag ráḋ, Is cóṁṫrom ṫú, a Ṫíġearna, noċ atá, agus do ḃí, agus ḃías, tré go rug tú breaṫ air na neiṫiḃse.

⁶ Óir do ḋóirteadarsan fuil na náoṁ agus na ḃfáiḋeaḋ, agus tug tusa fuil re ól dóiḃ; óir do ṫuilleadar sin.

⁷ Agus do ċúaluiḋ mé neaċ eile ó níosdaḋ náoṁṫa ag ráḋ, A seaḋ, a Ṫíġearna a Ḋé Uileċúṁaċduiġ, is fírinneaċ cóṁṫrom do ḃreaṫasa.

⁸ Agus do ḋóirt an ceaṫraṁaḋ aingeal a ṡoiṫeaċ ar an ngréin; agus tugaḋ cúṁaċda ḋó daóine do ṗíanaḋ ré hainteas teineaḋ.

⁹ Agus do ḃádar daóine ar fiuċaḋ ré hainteas mór, agus do ṁasluiġeadar ainm Dé, agá ḃfuil cúṁaċda ós na pláġuiḃsi: agus ni ḋearnadar aiṫriġe ċum glóire do ṫaḃairt dósan.

¹⁰ Agus do ḋóirt an cúigeaḋ aingeal a ṡoiṫeaċ ar ċaṫaóir a nainṁiḋe; agus do rinneaḋ a rioġaċd lán dá ḋorċaduis; agus do ċognadar a dteangṫa ré hiomad doilġeasa,

¹¹ Agus do ṁasluiġeadar Día neiṁe tré iomad a ndoilġeasa agus a neasgoideaḋ, agus ní ḋearnadar aiṫriġe ar son a noibreaċa.

¹² Agus do ḋóirt an seiseaḋ aingeal a ṡoiṫeaċ sa naḃuinn ṁóir Euṗrátes; agus do ṫiormuiġ a huisge, ionnus go mbíaḋ an tsliġe réiḋ ag ríoġuiḃ na háirde ṡoir.

¹³ Agus do ċonnairc mé trí spiorada néaṁġlana bá cosṁuil ré cnadáin ag teaċd amaċ as béul an dragúin, agus as béul a nainṁiḋe, agus as béul an ḟáiḋ ḟallsa.

¹⁴ Oir is spiorada deaṁan íad, ḃíos ag déunaṁ cóṁarṫaḋ, agus ṫéid amaċ go ríoġuiḃ na talṁan agus an doṁuin uile, ċum a gcóṁċruinniġe a gceann ċaṫa láe ṁóir Ḋé Uileċúṁaċduiġ.

¹⁵ (Taḃruiḋ aire riḃ, atáim ag teaċd mar ġaduiġe. Is beannuiġe an tí do ní faire, agus ċoiṁéudus a éuduiġe, deagla go siúḃalaḋ sé lomnoċduiġe, agus go ḃfaicfedís a náire.)

¹⁶ Agus do ċruinniḋ Día íad go háit dá ngoirṫear a Neaḃráis Armageddon.

¹⁷ Agus do ḋóirt an seaċdṁaḋ aingeal a ṡoiṫeaċ fá a naiér; agus táinic gúṫ árd amaċ as teampoll neiṁe ón gcaṫaóir ag ráḋ, Atá sé déunta.

¹⁸ Agus do ḃádar góṫanna, agus teinteaċ, agus tóirrneaċ ann; agus tárrla crioṫ mór talṁan ann, naċ raiḃ a leiṫid ann a ríaṁ ón traṫ fá raḃadar daóine ar an dtalaṁ, ċoṁmór sin do ċrioṫ talṁan.

¹⁹ Agus do rannaḋ an ċaṫair ṁór a dtrí cotannuiḃ, agus do ṫuiteadar caiṫreaċa na gcineaḋaċ: agus ṫáinic an Ḃabilóin ṁór a gcuiṁne a laṫair Dé, ionnus go dtiuḃraḋ sé cupán dfíon ċaṫuiġ a ḟeirge ḋi.

²⁰ Agus do ṫeiṫ gaċ uile oiléun, agus ní raiḃ na sléiḃte air faġáil.

²¹ Agus do ṫuit cloiċṡneaċda mór a núas ó neaṁ, a gcóṁṫrom taluinne air ḋaóiniḃ: agus do ṁasluiġeadar daóine Día tré ṗláiġ an ċloiċṡneaċda sin; óir do ḃí a ṗláiġ roṁór.