Seṗaniah 3 - An Bíobla Naoṁṫa 1817 (Bedell)

Caibidil III. Beúsa mionáireaċ Ierusalem, 7 le caoṁnaḃ na ccineaḋaċ, 14 agus aṫnúaḋuġaḋ Israél.

¹ Aṁairg ḋise atá salaċ, agus truáilliġṫe, do ċaṫruiġ na héaccóra!

² Níor uṁluiġ sí don ġúṫ; níor ġaḃ sí smaċd; níor ḋóṫċusaiġ sí annsa TIĠEARNA; ní ṫáinic sí a ngar da Día.

³ Atáid a prionsaḋa inte a stiġ na leoṁanumḃ buile; atáid a breiṫeaṁuin na cconaiḃ állta nóna; ní ċreimid siad na cnáṁa gus an maidin.

⁴ Is éattrom fealltaċ a fáiḋe: do ṡalċadar a sagairt an tsanctóir, do rinneadar éigion air an ndliġeaḋ.

⁵ Atá an TIĠEARNA ceart iona lársin; ní ḋéana sé éaccóir: do ḃeir sé a ḃreiṫeaṁnus ċum soluis gaċ áon ṁaidin, ní ḟailliġion sé; aċt ní ḃfuil fis náire aig na daóiníḃ éiccearta

⁶ Do ġeárr mé amaċ ná cineaḋaċa: atáid a ttuir uaigneaċ; do rinne mé a sráide na ḃfasaċ, iondus naċ gaḃann dume ar bioṫ ionta: iondus naċ ḃfuil áitreaḃṫaċ ar bioṫ.

⁷ A duḃairt mé, Go deiṁin biáiḋ meagla ort, géaḃa tú teagasg; iondus naċ géarriuiḋe amaċ a náit ċoṁnuiġe, giḋ gur smaċtuiġ mé íad: aċt deirġiodarsan go moċ, agus do ṫruáilleadar a ngníoṁa uile.

⁸ ¶ Uimesin feiṫiḋ siḃsi orumsa, a deir an TIĠEARNA, nó go ttig an lá a néireoċa misi súas ċum na creiċe: óir isé is mían daṁ na cineaḋaċa do ċruinniuġaḋ, ionnus go ttoiṫeastluiġ mé na rioġaċda, do ḋórtaḋ mo dioġla orra, eaḋon mfearg ḃorb uile: óir loisgfiġear an talaṁ uile lé téine mo éada.

⁹ Oír annsin iompoċa mé ċum na ndaóine teanga ġlan, ċor go ngoirfid uile ar ainm an TIĠEARNA, dfoġnaṁ ḋó maille re háontoil.

¹⁰ On taóiḃ ṫall daiḃniḃ na Hétiópia máos gearáin, eaḋon inġean mo ḋaóine seaċránaċ, ḃéaruid mofráil leó.

¹¹ Annsa ló sin ní ḃiáiḋ náire ort ar son huile gníoṁ, ionar ṡáruiġ tú am aġuiḋsi: óir annsin do ḃéara me amaċ as do lár an ṁéid ġáirdiġios ann húaḃar, agus ní ḃiáiḋ tú uáiḃreaċ ni is mó do ḃríġ mo ṡléiḃte náoṁṫasa.

¹² Fúigfiḋ mé fós ann do lársa daóine buáiḋearṫa agus boċta, agus cuirfiḋ a ndóiġ a nainm an TIĠEARNA.

¹³ Ní ḋéana íarsma Israel éicceart ar bioṫ, ní mó laiḃeoruid bréaga; ní mó ġeaḃṫar teanga ċealgaċ iona mbéul: óir do ġeaḃuid beaṫa agus luiġfid síos, agus ní ċuirfe duine ar bioṫ eagla orra.

¹⁴ ¶ Cán, a inġean Ṡíon; gáir, a Israel; bíḋ lúaṫġáireaċ agus gáiriḋ maille red uile ċroiḋe, a inġean Ierusalem.

¹⁵ Do ṫóig an TIĠEARNA do ḃreiṫeaṁnus díot, do ṫeilg sé amaċ do náṁuid: atá ríġ Israel, eaḋon an TIĠEARNA, ann do lár; ní ḟaicfiḋ tú olc ní is mó.

¹⁶ Annsa ló sin a déarṫar re Hierusalem, Ná bíoḋ eagla ort: agus re Sion, Ná bídís do láṁa lag.

¹⁷ Is cuṁaċtaċ an TIĠEARNA do Ḋía ann do lár: tárṫoċa sé, gáirdeoċa sé ós do ċionnsa lé lúaṫġair; coiṁneoċa sé ann a ġráḋ, gáirdeoċa sé ós do ċionn le caintic.

¹⁸ Cruinneoċa mé an drong atá dóbrónaċ ar son an ċoiṁṫionoil ṡollamonta, noċ atá ḋíotsa, dá raiḃ a ṁasla na úalaċ.

¹⁹ Féuċ, millfiḋ mé annsa namsin a nuile ḋuine ḃuáiḋreas siḃ: agus tárṫoċa mé isi atá bacaċ, agus cruinneoċad an ḃean do díbreaḋ amaċ; agus do ġeaḃa mé molaḋ agus clú ḋóiḃ ann gaċ aóintír ionar cuireaḋ náire orra.

²⁰ Annsa namsin do ḃéara mé, ar ḃur nais siḃ, eaḋon annsa nam a cruinneoċa mé siḃ: óir do ḋéana mé aium agus molaḋ ḋiḃ eidir uile ḋaóiniḃ na talṁan, an tan iompoċus mé arais ḃur ndaóirsine as coinne ḃur súl, a deir an TIĠEARNA.