Seṗaniah 2 - An Bíobla Naoṁṫa 1817 (Bedell)

Caibidil II. Gu ḃfuil pláġa searḃa go teaċt ar na geintiḃ arson iomad a bpeacaḋ.

¹ Cruinniġiḋ siḃ féin a ḃfoċair a ċéile, aseaḋ, cruinniġiḋ a ccionn a ċéile, a ċineaḋ neaṁḋúileaṁuil;

² Suil ḃéaras a nfuagra amaċ, suil imeaċus an lá mar an ccáiṫleaċ, suil ṫiucfas lá fearg ḃorb an TIĠEARNA oruiḃ, suil ṫiucfas lá feirge an TIĠEARNA oruiḃ.

³ Iarruiḋ an TIĠEARNA, siḃsi a uile ḋrong ceannsa na talṁan, noċ doibriġ a ḃreiṫeaṁnus; íarruiḋ fíreantaċd, iarruiġ macántaċd: do bfeídir go ḃfoileoċṫáoi síḃ a ló ḟeirge an TIĠEARNA.

⁴ ¶ Oír tréigfiġear Gása, agus biáiḋ Ascélon na díaṁaireaċd: dibeoruid Asdod amaċ san meaḋón laói, agus toċalṫar Ecron as a freíṁ.

⁵ A ṁairg do luċt áitriġṫe ċósta na fairge, cíneaḋ na Ċeretíteaċ! atá focal an TIĠEARNA ḃur naġaiḋ; a Ċanaan, a ḋúṫaiġ na Ḃṗilistinéaċ, scriosfa mé ṫusa go dearḃṫa, iondus naċ biáiḋ áitreaḃṫaċ ar biṫ ionnad.

⁶ Agus béid cóstaḋa na fairge na náitiḃ coṁnuiġe agus na mboṫaiḃ ag áoḋairiḃ, agus na máinreaċaiḃ ag tréuduiḃ.

⁷ Agus bíaiḋ an costa aig fuiġioll ṫiġe Iudah; biaṫfuid air: a ttiġṫiḃ Ascélon luiġfid síad síos tráṫnóna: óir cúairteaċuiḋ an TIĠEARNA a Ndía íad, agus fillfiḋ sé a ndáoirsine úaṫa.

⁸ ¶ Do ċúala mé masla Ṁóab, agus cáintéoireaċd ċloinne Ammon, lé ar ṁasluiġeadar mo ḋáoine, agus lé ar ṁóruiġeadar íad feín a naġaiḋ a tteórann.

⁹ Uimesin fa mar ṁairim, a deir TIĠEARNA na slóġ, Día Israel, Go deiṁin biaiḋ Móab mar Ṡodom, agus clann Ammon mar Ġomorrah, eaḋon na maṫair neantog, agus na poll salumn, agus na háonranaċd ṡiórruiḋe: millfiḋ íarḋráoi mo ḋaóine íad, agus sealḃoċuid íarsma mo ḋaóine íad.

¹⁰ Isé so do ġeaḃuid ar son a núaḃair, do ḃríġ gur ṁasluiġeadar agus gur ṁóradar íad féin a naġaiḋ ḋaóine ṪIĠEARNA na slóġ.

¹¹ Bíaiḋ an TIĠEARNA úaṫḃásaċ ḋóiḃ: óir cuirfiḋ sé uile ḋée na talṁan do ġorta; agus aiḋeoruid dáoine eision, gaċ áonduine as a ionad féin, eaḋon uile oilén na ngeinteaḋ.

¹² ¶ Siḃsi a Etíopianuiġ mar an ccéadna, muirfiġear siḃ le mo ċloiḋeaṁsa.

¹³ ¶ Agus sínfiḋ sé a láṁ amaċ a naġaiḋ an tuáisceart, agus scriosfuiḋ sé a Nassíria; agus do ḋéanuiḋ Nineḃeh na háonránaċd, agus tirim mar ḟásaċ.

¹⁴ Agus luiġfid tréuda iona lár, uile ḃeaṫáċa na ccineaḋaċ: coideoluiġ an fíaċfairge ar áon agus an bunnán léana iona lindériḃ úaċtaraċa; cánfa a ngúṫ annsna fuinneogaiḃ; biáiḋ áonranaċd annsna tairsiġiḃ: oir noċtfuiḋ sé a nóbair céadair.

¹⁵ Isí so an ċaṫair lúaṫġáireaċ do ċoṁnuiġ neaṁċúramaċ, a duḃairt iona croiḋe, Atáimse, agus ní ḃfuil ann aċd mé: cionnus do rinneaḋ fásaċ ḋí, na háit aig beaṫaċaiḃ ċum luiġe síos innte! gaċ uile duine ġaḃus láiṁ ría déana sé feadalaċ, agus croiṫfiḋ a láṁ.