Seċariah 8 - An Bíobla Naoṁṫa 1817 (Bedell)

Caibidil VIII. Gu bfuil fearg Dé soi‐filleaḋ, agus é féin soi‐réiḋteaċ, ré daóiniḃ ṫig go deaġṁéin.

¹ Ṫainic bríaṫar ṪIĠEARNA na slóġ ċugamsa a rís, ag ráḋ,

² Is marso a deir TIĠEARNA na slóġ; Do ḃí mé éudṁur fa Ṡion maille re héud mór, agus do ḃí éud orum go díḃḟeirgeaċ uimpe.

³ Is marso a deir an TIĠEARNA; Dfill mé ċum Sion, agus áitreoċa mé a meaḋón Ierusalem: agus goirfiġear caṫair na fírinne do Ierusalem; agus slíaḃ TIĠEARNA na slóġ don tslíaḃ náoṁṫa.

⁴ Is marso a deir TIĠEARNA na slóġ; Aitreaċuid fós seandaoine agus mná áosda a sráidiḃ Ierusalem, agus a nuile ḋuine gun a ḃata iona laíṁ tre iomad a laéṫeaḋ.

⁵ Agus biáiḋ sráide na caiṫreaċa lán do ḃúaċailliḃ agus ċailíniḃ ag súgraḋ iona sráidiḃ.

⁶ Is marso a deir TIĠEARNA na slóġ; Mas iongantaċ é a súiliḃ íarsma an ṗobailsi annsna laeṫiḃse, an mbía fós íongantaċ ann mo ṡúiliḃsi? a deir TIĠEARNA na slóġ.

⁷ Is marso a deir an TIĠEARNA na slóġ; Féuċ, tárṫoċa mé mo ḋaóine ón ttír ṡoir, agus ón ttír ṡíar;

⁸ Agus do ḃéara mé liom íad, agus áitreaċuid síad a lár Ierusalem: agus béid na bpobal agumsa, agus biáiḋ misi am Ḋía acasan, a ḃfírinne agus a cceart.

⁹ ¶ Is marso a deir TIĠEARNA na slóġ; Bídís ḃur láṁa láidir, a ḋrong do ċluinn annsna laéṫiḃsi ná bríaṫraso lé béal na ḃfáġ, noċ do ḃí annsa lo ar ṡuiġeadar bunáit ṫiġe ṪIĠEARNA na slóġ, ċor go ccuirfiḋe an teampal súas.

¹⁰ Oír roiṁe na laéṫiḃsi ní raiḃ túarusdal ar bioṫ do ḋuine, nó túarusdal ar bioṫ do ḃeaṫaċ; ní mó do ḃí sioṫċáin ag an tí do raċaḋ amaċ nó ṫigeaḋ a steaċ do ḃríġ an ḃuáiḋeárṫa: óir dó ċuir misi gaċ uile ḋuine a naġaiḋ a ċoṁarsan.

¹¹ Aċt anois ní ḃiáiḋ mé díarsma na ndáoinesi do nós na láeṫeaḋ roiṁe, a deir TIĠEARNA na sloġ.

¹² Oír biáiḋ an síol soná; do ḃéara an ḟíneaṁuin a toraḋ, agus do ḃéara an talaṁ a ḃiseaċ, agus do ḃearuid na neaṁa a ndrúċt; agus do ḃéara mé air íarsma an ṗobailsi íadso uile do ṡealḃuġaḋ.

¹³ Agus tiucfa a ccríċ, mar do ḃaḋḃair ḃur malluġaḋ a measg na ngeinteaḋ, a ṫiġ Iúdah, agus a ṫiġ Israel; marsin coiḃreoċa misi siḃ, agus béiṫi ḃur mbeannuġaḋ: na heagluiġiḋ, aċt bídís ḃur láṁa láidir.

¹⁴ Oír is marso a deir TIĠEARNA na slóġ; Mar do ṁeas mé ḃur smaċtuġaḋ, an tan do ḃrostuiġeadar ḃur naiṫre mé ċum feirge, a deir TIĠEARNA na slóġ, agus nar ḃaiṫreaċ liom é:

¹⁵ Marsin fós a rís do ṁeas mé annsna láeṫiḃsi a ḋéanaṁ go maiṫ do Ierusalem, agus do ṫiġ Iúdah: ná bíoḋ eagla oruiḃ.

¹⁶ ¶ Isíad so na neiṫe do ḋéantáoi; Laḃraḋ gaċ áon aguiḃ a nfírinne re na ċoṁarsoin; déanuiḋ breiṫeaṁnus fírinne agus síoḋċána ann ḃur ngeataḋuiḃ:

¹⁷ Agus ná smúaineaḋ duine ar bioṫ aguiḃ olc ann ḃuir ccroiḋṫiḃ a naġaiḋ a ċoṁarsan; agus ná gráḋuiġiḋ mionna bréige: óir is neiṫe íadso uile ḟuáṫuiġimsi, a deir an TIĠEARNA.

¹⁸ ¶ Agus ṫáinic bríaṫar ṪIĠEARNA na slóġ ċugamsa, ag ráḋ,

¹⁹ Is marso a deir TIĠEARNA na slóġ; Biáiḋ troscaḋ an ċeaṫraṁaḋ mí, agus troscaḋ an ċúigeaḋ, agus troscaḋ an seaċdmaḋ, agus troscaḋ an deaċṁaḋ, na ġáirdeaċus, agus na lúaṫġáir, agus na ḃféustuiġiḃ suḃaċa do ṫiġ Iúdah; ar a naḋḃarsin gráḋuiġiḋ fírinne agus síoṫċáin.

²⁰ Is marso a deir TIĠEARNA na slóġ; Biáiḋ fós aimsir, go ttiucfa iomad daoine, agus áitreaḃṫuiġ mórán caiṫreaċ:

²¹ Agus raċuid áitreaḃṫuiġ gaċ aon ċaiṫreaċ go ċéile, ag ráḋ, Deanam tráṫ do ġuiḋe a laṫair an TIĠEARNA, agus díarruiġ ṪIĠEARNA na slóġ: raċaiḋ misi mar an ccéadua.

²² Aseaḋ, tiucfuid móran daóine agus cineaḋaċa láidre díarruiḋ ṪIĠEARNA na slóġ ann Ierusalem, agus do ġuiḋe a ḃfíaġnuisi an TIĠEARNA.

²³ Is marso a deir TIĠEARNA na slóġ; Annsna laéṫiḃ sin, béaruid deiṫneaṁar fear greim as uile ṫeangaiḋ na ccineaḋáċ, eaḋon béaruid siád greim air sciorta an tí ḃías na Iúduiġe, ag ráḋ, Raċuimne leaċd: óir do ċúalamar go ḃfuil Día maille riḃ.