Seċariah 4 - An Bíobla Naoṁṫa 1817 (Bedell)

Caibidil IV. Is é fioġair Ċriosd, Serubbabel.

¹ Agus ṫáinic an taingiol do ċoṁraiḋ riom a rís, agus do ḋúisiġ sé mé aṁuil duine, dúisiġear as a ċodlaḋ,

² Agus a duḃairt sé ríom, Cred do ċí tú? agus a duḃairt misi, Daṁairc mé, agus féuċ cuinnleóir uile dór, go scála air a ṁullaċ, agus seaċd ttóirsi air, agus seaċd bpíopa ċum na seaċd lampuiḃ, noċ do ḃí air a ṁullaċ:

³ Agus dá ċrann ola láiṁ ris, áon aca air an ttaóiḃ deas don scála, agus an dara crann don taóiḃ ċlé ḋe.

⁴ Marsin do ḟreagair mé agus do laḃrus ris a naingiol do ċoṁráiḋ riom, ag ráḋ, Cred íadso, a ṫiġearna?

⁵ Annsin do ḟreagair an taingiol do coṁráiḋ riom agus a duḃairt sé riom, Naċ ḃfeadar tusa cred íad so? Agus duḃairt misi, Ní ḟeadar, a ṫiġearna.

⁶ Annsin do ḟreagair seision agus do laḃair sé riomsa, ag ráḋ, Ise so briaṫar an TIĠEARNA re Serubbabel, ag ráḋ, Ní lé slúaġ, nó lé cuṁaċdaiḃ, aċt lé mo spioraidse, a deir TIĠEARNA na slóġ.

⁷ Cía ṫusa, a ṡléiḃ ṁóir? do ḋéantar réiteaċ ḋíotsa roiṁe Ṡerubbabel: agus do ḃéara sé amaċ a ċeannċloċ sin lé gárrṫuiḃ, ag gláoḋuiġ, Grása, grasa ċuige.

⁸ Tuilleaṁ fós ṫáinic bríaṫar an TIĠEARNA ċugam, ag ráḋ,

⁹ A síad láṁa Ṡerubbabel do ċuir bunáit fáoi an tiġso; isiad fós a láṁa ċríoċnoċus é; agus aiṫeonuiġ tú gur bé TIĠEARNA na slóġ do ċuir misi ċugad.

¹⁰ Oír cía do ṫarcuisniġ lá na niṫeann mbeag? óir gairdeoċuid, agus do ċífid an doruḃa a láiṁ Ṡerubbabel maille ris an móirṡeisior sin; isíad suile an TIĠEARNA, noċ rioṫios síos agus súas air feaḋ na talṁan uile.

¹¹ ¶ Annsin do ḟreagair misi, agus a duḃairt mé ris, Cred íad an dá ċrann olasa air an ttaoiḃ ndeas don ċoinnleoir agus air an ttaoiḃ ċlé ḋe?

¹² Agus do ḟreagair mé a rís, agus a duḃairt mé ris, Cred íad an dá ḃeangan ċrann olaso noċ folṁuiġios a nola órḋa ṫríd an dá ṗíopa órḋa asta féin?

¹³ Agus do ḟreagair seision mé agus a duḃairt, Naċ ḃfuil a ḟios agadsa cred íad so? agus a duḃairt misi, Ní ḟeadar, a ṫiġearna.

¹⁴ Annsin a duḃairt seision, Isíad so an dá ungṫaċ, ṡeasas láiṁ ré TIĠEARNA na talṁan uile.