Seanraite 8 - An Bíobla Naoṁṫa 1817 (Bedell)

Caibidil VIII. Coṁaóigeasc an ġliocuis ṁarṫanuiġ.

¹ Naċ éiġionn a neagna? agus naċ ccurionn an tuigsi a guṫ amaċ?

² Seasniḋ sí a mullaċ áiteaḋ árd, láiṁ ris an tsliġe a monad na ccasáin.

³ Atá sí ag eíġeaḋ ré táoḃ na ngeataḋa, a bport an ḃaile, mar a ttigṫear a steaċ annsna doirsiḃ.

⁴ Oruiḃsi, a ḋaoine, atáim ag gairm; agus ċum mac an duine atá mo ġuṫ.

⁵ O a ḋaoine simplíḋe, tuigiḋ eagna: agus, siḃsi a amadána, bíoḋ ḃur ccroiḋe tuigsionaċ.

⁶ Eistiġ; óir laiḃéoruiḋ mé ar neiṫiḃ oirḋearca; agus biáiḋ fosglaḋ mo ḃéil ar neiṫiḃ cearta.

⁷ Oír laiḃéoraiḋ mo ḃéul fírinne; agus is aḋḟúaṫṁaireaċt dom ṗuisíniḃ a nurċóid.

⁸ Atáid bríaṫra mo ḃéil uile a ḃfíreantaċt; ní ḃfuil aóinní cam nó urċóideaċ ionta.

⁹ Atáid síad uile soilléir don tí ṫuigios; agus díreaċ don droing do ġeiḃ éolus.

¹⁰ Gaḃaiḋsi mo ṫeagasg, agus ní airgiod; agus éolus tar a nór toġṫa.

¹¹ Oír is fear a neagna náid na cloċa búaḋa; agus na huile neiṫe is féidir do ḋúiliuġaḋ ní hionċoiṁmeasta ría íad.

¹² Misi a neagna áitreaḃuim a ḃfoċair na críonnaċta, agus do ġeiḃim amaċ éolus ar neiṫiḃ ínntleaċtaċa.

¹³ Así eagla an TIĠEARNA an tolc dfúaṫuġaḋ an túaḃar: agus a niomarcaiḋ, agus an droiċṡliġe, agus fúaṫuiġim, an béul míolaḃarṫaċ.

¹⁴ Is leamsa coṁairle, agus eagna iomlán: agus is misi an tuigsi; agus is liom neart.

¹⁵ Is tríomsa ríoġaid na ríġṫe, agus órduiġid prionnsuiġe ceart.

¹⁶ Is tríomsa riaġluid prionnsaḋa, agus na húaisle, agus breiṫeaṁuin na talṁan uile.

¹⁷ Gráḋuiġim an ṁéid ġráḋuiġios mé; agus an drong íarrus mé go moċ do ġeaḃuid mé.

¹⁸ Atá saiḋḃrios agus onóir agam; fós, saiḋḃrios bioṫḃúan agus fíréuntaċt.

¹⁹ Is féarr mo ṫoraḋ ná ór, fós, ná ór glan; agus mo ċíos ná airgiod toġṫa.

²⁰ Tréoruiġim a sliġe a nionnracuis, a meaḋon ċasán an ḃreiṫeaṁnuis:

²¹ Ċor go ttuga mé air an ndroing ler ḃionṁuin mé saiḋḃrios do ṡealḃuġaḋ; agus líonfuíḋ mé a nionnṁusa.

²² Do ṡealḃuiġ an TIĠEARNA mé a ttosaċ a ṡliġeaḋ, roiṁe a oibreaċaiḃ a nallúd.

²³ Do suiġeaḋ súas mé ó ṡiorruiġeaċt, ó ṫosaċ, suil do ḃí an talaṁ ann.

²⁴ A nuáir naċ raḃadar aigéinn ann, do rugaḋ misi; a nuáir naċ raḃadar toiḃreaċa ar biṫ líonta duisge.

²⁵ Suil do ḃí suiġiuġaḋ na sléiḃte, roiṁe na cnocaiḃ do rugaḋ misi:

²⁶ Tan nar ndearna sé fós an talaṁ, nó na maċairiġe, nó na háite is áirde do lúaiṫreaḋ an doṁuin.

²⁷ A núair dullṁaiġ sé na flaiṫis, do ḃí misi annsin: a nuáir do ċuir sé compás air aġaiḋ a naigéin:

²⁸ A nuáir do ḋaingniḋ sé na néulla ṡúas: a nuáir do neartuiġ sé fúmairiġe a naigéin:

²⁹ A nuáir ṫug sé a ḟúagra do nfairge, naċ raċaidís na huisgeaḋa tar a aiṫne: a nuáir do órduiġ sé bunáit na talṁan:

³⁰ Annsin do ḃí misi aige, mar neaċ tugaḋ súas iona ḟoċair: agus bá mé a ḋúil go láeṫeaṁuil, ag gáirdeaċus iona ḟiaḋnuise a gcoṁnuiḋe;

³¹ Ag gáirdeaċus annsa ċuid ionáitreiḃṫe da ṫalaṁ; agus do ḃádar mo ḋúil lé macaiḃ na ndaoine.

³² Anois ar a naḋḃarsin éistiġ riom, a ċlann: óir is beannuiġ an drong ċoiṁéadas mo ṡliġṫe.

³³ Eistiġ re teagasg, agus bíṫí críonna, agus na díultuiġe é.

³⁴ Is beannuiġ an té éistfios riomsa, ag faire go láeṫeaṁuil ag mo ġeataḋuiḃ, ag feiṫioṁ ag ursanaiḃ mo ḋoirsi.

³⁵ Oír giḋ bé ġeaḃas misi do ġeaḃa sé beaṫa, agus do ġeaḃa faḃar ón TIĠEARNA.

³⁶ Aċt an té ṗeacuiġios am aġuiḋsi do ní sé éagcóir air a anam féin: gaċ a ḃfúaṫuiġionn mé gráḋuiġid síad an bás.